尋日單純一個集會，最後竟然因為清場行動而擴大成港九兩地出現「佔領」行動，而且有越演越烈之勢。而出奇地，行政會讓非官首成員羅范椒芬，就係港台節目中指出，今次警方處理方法適得其反，令更多市民上街加入佔領行列，應向行政會議交代、並由監警會著手調查。但其後佢又話：點解香港人會變成互相對峙之局，希望各方領袖不要再說互相指責的說話，政府與年青人亦要檢討。
當然呢個時候，會唔會有點兒太遲呢？
因為明顯呢個時候講呢句野，就等於等自己班手下「打著先」，然後見出事先話：你地唔可以咁解，一陣返入我office見我。然後再搵一個有名無實嘅監警會做野。一句講晒：劃清界線以求自保是也。
而對於警方來講，佢地聽到呢番說話之後，應該心裡面講緊：唔係呀嘛？我地係出面打，你班坐office嘅豬隊友係後面捅返我轉頭？這就是政治啊，見唔對路仲唔一腳伸開你咩。
最後以一張日劇《半澤直樹》截圖來作總結：
