【食譜】必學賀年菜！Have 燻～燻蹄

又係時候做過年菜式，乜乜物物糕點。

我就由凍盤開始吧。

做冬前整過凍鮑魚、呢十年八載都寫唔少凍盤。

但每次過年都想寫燻蹄，或者晌我心目中燻蹄呢樣食物係最無想過自己做到又咁容易做。

正所謂：馬有失手 人有燻蹄。

過年前再寫多次唔係好過份丫！來緊係豬年扮唔到豬食唔到老虎就食返你隻蹄吧，哼～

材料：

新鮮豬手   一隻

5粒八角、兩片香葉、一片桂皮、、粗鹽  3湯匙、紹酒 2湯匙

薑、蔥

另外……配燻蹄既醋汁：

白醋2湯匙、加糖半湯匙、加蒜蓉、辣椒，然後加1湯匙滾水令糖溶化便可以

做法：

1. 先煲滾水，水份量蓋過豬手，然後放薑、蔥、紹酒出水，大約煮20~30分鐘

2. *據去買豬手的人講，肉檔叔叔太好人不停燒走d豬毛所以黑晒

3. 香料唔好加太多，因為加太多會有跌打味，咁就真係似跌打豬蹄

4. 然後再開一煲水，水份量要蓋過豬手，然後落香料、薑、蔥、酒，鹽煲滾，落豬手

5. 煮滾後熄火，然後靜置佢8個鐘或過夜，期間唔好攪佢，翻滾後熄火，跟住放涼後起骨

6. 浸完後好容易起骨的，只需要沿骨位用刀仔界開

7. 起骨後用保鮮紙包實扎到最實，最後封上錫紙，放雪櫃一晚

（我就用壽司竹蓆去借力）