【食譜】屋企都整到！芝士年糕

昨日終於開始做物理治療，心理上感覺好啲。

而且我知道自己問題所在相信可以對症下藥。

電腦櫈要玩呀所以我依然唔可以坐住喺度打字。

仍然靠用電話錄音去轉做文字等我可以坐少啲，唯獨是係執相嘅時間要坐一陣。

長話短說今日食譜係日本芝士年糕，平時去親日本餐廳都會見到嘅小食。

隻手嘅關係所以唔可以整啲好複雜嘅食物，咁呢個芝士年糕其實好容易整又可以當做物理治療。

佢好簡單但你問我係唔係好好建議大家整呢？又唔係。

因為要炸同埋呢出面食又方便又可以買現成。

不過我係寫食譜嘅人就乜都要是㗎啦。

我用片裝芝士，如果買到片裝mozzarella cheese 會更好。

材料：

芝士兩片

糯米粉150g

粟粉20g

糖一湯匙

暖水 80-120ml

*水溫最好係熱但手指掂到又唔會辣手


做法：

1. 將糯米粉粟粉糖撈勻

2. 分四次加入暖水搓成糰

3. 芝士切成四方粒疊起

4. 糯米糰分成6等份，搓圓壓平放入芝士包起

5. 底面都灑少放糯米粉，放入冰格雪2小時，食之前炸至金黃色