好易整，味道仲非常好，一煲過，唔駛煩呀！ 做法： 1. 蒜頭5粒切開，紅蔥頭2粒去衣切件，薑片3塊拍扁 2. 鑊大火燒熱，加1茶匙油，將蒜頭、紅蔥頭、薑片爆香（3－4分鐘），再加青蔥2條切段同炒2－3分鐘 3. 加入清水半杯，加1茶匙黃薑粉、雞粉、鹽，用細火蓋頂煮20分鐘 4. 將雞肉400克切件，先用加1茶匙糖，1茶匙蒜粉，1茶匙鹽醃10分鐘，再加2茶匙粟粉，1茶匙油撈勻 5. 然後洗2杯米，隔好水放入電飯煲，加有鹹味雞湯到飯煲寫著1杯飯的位置 6. 再將煮好嘅湯，隔好渣，加入飯煲直至去到煲寫著1.7杯飯的位置，即係未足2杯飯個指示位 7. 煲飯，一見有煙，就將3條拍扁嘅香茅放係飯面，再平均鋪上雞肉，再蓋好蓋，等飯煲好就得