【食譜】惹味金沙！黃金豆腐

包包放暑假，我就開始24小時作戰狀態。

咁快就完成K1，其實真係好唔捨得佢大得咁快。

仲記得第一日送佢返學、第一次送佢上校車、佢淚眼汪汪望住我、晌學樣喊住搵媽咪。

我去修甲時遇上佢部校車，佢知道我出街後晌學校鬧情緒。

每日放學都分享我知學樣點滴一切一切都好似昨日發生。

「許多許多你的片段  令我愛一生都也愛不完」

其實佢放假我都開心，內心好感謝有佢陪伴。

暑假會同佢去一個長途旅程，所以而家都要預備清理個雪櫃，其中自己醃嘅鹹蛋係清理目標之一。

今次堅係「懶有營」，用豆腐配上邪惡鹹蛋黃。

你都咪話鹹蛋黃真係無敵，當然唔可以成日食啦啦啦～

你睇佢個樣幾靚仔，哼！

材料：

鹹蛋黃   2隻

硬豆腐   2件

蒜頭   2粒

辣椒    隨意

蔥粒   少許

鹽   1/8茶匙

心機   適量

做法：

1. 鹹蛋黃先蒸熟

2. 再壓碎備用

3. 蒜頭、辣椒剁剁剁

4. 豆腐切四方粒，再索乾水

5. 然後煎至金黃色備用

6. 鑊加少少油，再落鹹蛋黃炒至起泡再加入蒜蓉、辣椒及鹽兜勻

7. 放入豆腐兜勻便完成，灑上蔥粒