【食譜】色香味俱全！肉鬆蛋餅

又一個長假期，其實我明明昨日已經放自己假。

送完包包上校車我即飛奔出銅鑼灣shopping，食完、買完施施然回家，感覺實在太美好。

原本放假無打算再煮，點知昨日食完何家千金所開的牛肉麵後，我記起蛋餅。

之前自己都整過就搵返個食譜再做一次，包包話好好食，佢第一次食架咋！

自己整要幾多肉鬆都得，你睇佢幾飽滿～

為長假期開個靚頭，哼。

呢個蛋餅皮帶點酥的，I like it！

材料（3塊）：

中筋麵粉             100g

熱水                   60g(原食譜80g，太多了)

豬油或油             5g

鹽                      2g

餡：

蛋           1隻

蔥花       少許

肉鬆        隨意 

做法：

1. 麵粉加鹽及豬油或油，再加入熱水，如果覺得乾可以再加水

2. 搓至不黏手，分成45g一個

3. 用塊濕布蓋著，靜置1個鐘

4. 碌至好薄，放入油鑊煎，加入蛋液，慢火烘至蛋成型(蛋唔好一次過加太多)

5. 蛋都成型後熄火加入肉鬆，再卷起切件