【食譜】夏日冷盤！話梅醉豬手

人生最怕係豬手，望到那層皮都有毛管豎起感覺。

坐月時我都係要走皮先勉強去食薑醋。

但偏偏有個好鍾意豬手的另一半，所以久唔久我都會整豬手菜式。

無錯！我唔食但唔可以剝削別人福利。

我最怕係那些乜都話唔食，然後講到人家食好似好錯咁(仲以為自己好型)。

你有你喜好我有我態度。

本著你快樂 所以我快樂 宗旨，即使我唔食唔代表你會無得食。

一直都好想整醉豬手比大少爺，今次的起心肝整仲加佢最愛話梅。

佢當然食得開心，我唔食、呀包唔食得，兩母子睇住佢一個食都開心。

用糟滷(又名香糟露)去整，其實兩三下手勢就done！

你快樂 於是我快樂 玫瑰都開了 我還想怎麼呢～

豬手一隻，我買超市斬好晒的

做法：

1. 先用薑、蔥煮佢50分鐘

2. 煮好後就浸冰水令佢冷卻

3. 最後倒入糟滷

4. 加5粒話梅或幾粒杞子

超市有售的，如果去老三陽買可以買到另一隻糟滷。

味道隻隻差不多，用佢好夠味乜都唔使再加。

用佢浸鮮蝦更好味！