【食譜】咕嚕肉

人生就是這樣，你想得到一樣東西就必定要失去另一樣東西。

正如天氣……這幾天不再酷熱但卻是風雨飄搖，是得是失很難判斷但至少開心過吧。

識我都知我最鍾意最鍾意食咕嚕肉，係咕嚕肉不是生炒骨。

由細到大總之去中菜餐廳我就一定要食，當然我覺煮嘢都第一時間去整。

當時跟足食譜每一粒字去整，出來效果都幾好。

之後就自己整不同變化，有用焗蝦滑豆卜代替豬肉、有鬼馬油條等等，用真正豬肉整反而幾年都無整過。

包包同我一樣喜歡咕嚕肉但偏偏食親都係街外物，直到早兩晚佢先第一次知媽咪識整咕嚕肉。

實在是……對不起 我愛你。

今次加入山楂(不是山楂餅)，加入山楂令個汁多份層次感，而且好適合夏天胃口呢！

材料：

梅頭肉    半斤(或視符自己所需)

蛋白       半隻

生粉       半碗 +2茶匙吉士粉

新鮮菠蘿   4件   (切件)

洋蔥       半個  (切件)

青椒        一個 (切件)

汁料：

山楂        2湯匙

水          250ml

茄醬        3湯匙

白醋        1湯匙

糖          2湯匙

生粉        1茶匙

做法：

1. 山楂加250ml水煮滾再熄火放涼備用，山楂水加入汁料所有材料攪勻備用

2. 將梅頭肉切厚件，加少許鹽撈勻再加蛋白撈勻，蛋白只需要足夠撈勻便可以

3. 豬肉加上生粉及吉士粉，要每一件肉都完全沾滿生粉，靜置一分鐘後便可以去炸，炸至金黃色備用

4. 爆香青椒及洋蔥、加入菠蘿，倒入醬汁煮滾，豬肉回鑊兜勻便可以上碟