【食譜】隨心所欲的混血兒！印尼粟米餅

過埋今日包包就放幾日假，我會帶佢去玩兩日。

原本想去個短trip但那位大少爺請唔到星期一假，無得連住放5日，所以只可以去近近地玩下。

今日出多個食譜，執埋啲稿去交我都放自己幾日假。

昨晚整粟米餅比包包食，佢自從返學後飲食有啲啲改善。

佢見到疑似好味食物就會肯食，所以呢個粟米完全全合佢心意。

其實呢個係印尼粟米餅，但我加入包包喜歡元素，加了紫菜絲，而圖中見係我自己加埋七味粉。

呢個粟米餅變成混血兒，而包包昨晚食大半碟後同我講：媽咪，你下次再整比我食啦！夜晚整喎～

其實大家可以灑少少椒鹽，我就加七味粉、或者乜都唔加都可以呢～

食譜：

罐頭粟米  1罐(可以用新鮮的)

麵粉     6湯匙

雞蛋     1隻

鹽、胡椒    少許

洋蔥粒        少許

芫茜或蔥     (隨意，大家可以加芫茜，但包包唔食所以我無加轉用紫菜)

做法：

1. 罐頭粟米隔走水份，如果用新鮮粟米就蒸熟起粒

2. 粟米加鹽加胡椒加洋蔥粒加乜乜物物最後加麵粉攪勻

3. 撈到咁就完成，可以拎去煎喇