【深圳】靠北揾食(4) 探魚

團拜時漏左啲野係大長老到，咁佢又番到西麗，所以我要千里長征了，順便約了她在后海食中餐，這個地方及餐廳我都未去過有點冒險。

深圳地鐵好像蜘蛛網有些地方不能直達必需轉車，我只識幾個地方站，重要教大長老她離開西麗站點樣搭車到后海、點樣轉車、點樣最化算。

因為2016年我帶了朋友跟長老一起去摘荔枝，我那次沒跟長老包車上，要在深圳北站紅線(4)轉紫線(5)，那裏有2個建築物一個火車站、一個地鐵站，像香港機場大它們是分開唔重疊，我們上上落落由紅線走向紫線建築物，行左超過廿分鐘，那次對朋友真係唔好意思，我又唔知環境無諗過地方咁大之後對大陸陌生車站有點擔心，特別在大站轉車。

到后海就很簡單，D1出口嘅右手邊有個扶手電梯上，直行就見海岸城。

見到這裏嘅地標建築兩旁就是海岸城東西座。

我十點半出門口本來約大長老食中餐，誰知到這裏已經是2點半了。初時怕店家中午休息，又怕人多要等位，好在它是24小時營業的，仲有空枱添，咁樣我放心。 

餐廳嘅裝修行文青路線，仲用左多復古嘅擺設。

茶位費@5元，問清楚原來是一包紙巾及乾菓。

菜單用卡通風格，睇完點餐紙以為要用微信支付，好在還可以用現金，大鄉里出城。

呢個時間係二點幾，我地點好菜個點餐紙交服務員，佢用好快我又聽唔明嘅話講有幾樣野都無，跟住就去入機無理我地，攪到我同大長老倆眼對望，定完神我地無奈就話，無唔緊要啦要，我地本來點多左。

水杯都搞下新意思寫啲金句係上面，而提供嘅茶係檸檬紅茶，不過要自己去斟。

藍莓山葯—用冰水泡過山葯拌勻藍莓醬，未食過幾得意，未想過可以咁食。

蒜泥青瓜—味道清淡幾好。

淩波魚—係乜魚未聽過，配的是醬香味，醬香有點似沙茶醬。
上枱時用一個大鐵鍋下面重有加熱，另外加了腐竹及大白菜兩個配菜。

烤羊肉串。

羅漢果茶、烤韭菜。

今餐220元人仔，幫襯是星期五的話有機會可以平一半，那樣抵很多。

黎到呢度周圍望發現離西部通道關口好近，咁下次唔使係福田過關搭成個鐘地鐵咁晒時間囉！