大澳漁村一日遊

朋友仔話由屯門搭船去大澳好快，真係話咁快就到，不過班次較疏，所以要上網查好時間先出發，船費是每人$25。

琴日唔係假日遊人無咁多，行起嚟好舒服。

大澳是漁村，沿路有好多海產出售，店家也很熱情推介。

路上有家柴火糯米滋，一定會幫襯。

今日遊人無咁多，老板仲傾下閒計，他當然係認叻多，哈～

他介紹用料，用大鑊柴火把花生新鮮炒制，重點係大大粒成本貴。

行過蝦醬廠見有工人晒蝦醬，大陽好猛真係生晒喎。

行左一段時間，見到前方是石仔埗街渡碼頭，旁邊小山丘上有大澳文物酒店，酒店都留了當年警署的設施及物件，包括幾個炮台(不過咁細口，可以射到啲乜？)，我地午餐亦在這裏享用。

前身為大澳警署樓高兩層，建於1902年現評為二級歷史建築，2012年2月以社會企業模式經營酒店。

餐廳用玻璃屋頂，環境幾好好似温室咁，不過可以望海景坐位不多。

5月份推出嘅蝦醬豬扒飽。

一品炒飯。

海鮮白汁意粉。

大澳出名蝦膏，所以都是用蝦醬調味，不過味道就一般，份量有啲少。

大澳有很多掃街美食，咁遠黎到當然要幫襯番。

大澳車站旁有一大片長滿青翠灌木的泥灘，有很多招潮蟹，還有彈塗魚幾得意。

走了一圈後準備離開見到流浪牛牛。