【深圳遊】靠北揾食(1)

最近要多回大陸。因為爸爸蛇口間屋，7年前簽左個城市化歷史遺留違法建築普查申報表(這件事同全深圳村落有關)，今次輪到我地村「全村改造」，唔知中央政府點諗，但自己怕煩，亦無能力所以唔會做釘子戶，知咁又會賠得少。

嚟緊會多啲番屋企及附近週圍行下，影多啲相留念

出左福田關口，因未食早餐所以搭一個地鐵站，由福民站出黎，見菜市場這個攤檔，突然想食豆腐花就幫襯下。

哥哥仔整緊香醬餅，搽啲紅卜卜醬，好似好好味。

叫左個豆腐花，聽吾明哥哥仔講乜，哈～

之後佢幫我加左黑糖，原來佢有白糖、黃糖、黑糖味比你揀。

這一餐花費5蚊人仔，都飽架。

之後落番地鐵搭「藍線」到車公廟站轉「灰線」到深圳灣公園站，去歡樂海岸睇Teamlab。

見到Cony同Brown梗要同佢地影相。

隔離噴泉區到左晚上連同建築物著晒燈會好靚。

這裏標榜高端商業，見這間本家韓國菜館門口有很多人，睇過餐牌都唔算好貴。

歡樂海岸幾乎所有的餐廳都是獨棟別墅，自成一局，圍繞在彎曲的河流而建。

這個在另一篇為大家介紹。

Teamlab展場不可以飲飲料及無洗手間，所以離開後很肚餓很口渴，茶就幫襯喜茶。

之前喺書城見很多人排隊，粗略估計要排二個小時所以無試，今次見人小小等了約20分鐘可以飲了！

我這個是四季春芝士，它是可揀芝士或輕芝士做奶蓋，芝士味道比較厚重，飲落咸咸地，大口同時喝到上下兩層，這樣奶味較平衡，茶亦會滑身很多。

不過好飽肚，下次試下輕芝士可能好啲。

因為喝不到兩層口感，所以要大口多喝幾口就變成了生鬍子了，哈~

又到食野時間，之後出番黎到麵點王食飯。

印像中面點王價廉物美，不過今餐三樣野有點貴共46元，這個好咸的醬骨都要35元。