social的圖片搜尋結果

(網上圖片)

好多人唔想做、唔想諗野,就將責任推比其他人,好似唔關自己事咁,仲不停放負能量,影響埋別人心情。朋友A在公司的back office做野,老闆想在今年內在不同business unit推AI同automation野,用一些機械和科技應用,來減輕前線人手的壓力,點知執行個時,每個business unit阿頭都話唔識plan、唔知點諗、唔知點搞、唔知點應用,就把整個計劃的營運推返曬去back office度,叫佢地由頭計劃過,明明應該落實的事最後又要重新做過,仲比人唱話唔肯做野,激到朋友死死吓。面對同事釋放出來的負能量,同自己已累積了的怨氣,加埋左都唔知點宣洩。而朋友B近十年來都係做開coaching,開頭他好喜歡做單對單輔導,後來覺得,自己日日夜夜都聽埋唔少client的個人感受、慘人慘事,搞到自己所接收的情緒垃圾愈來愈多,令到自己都好似唔開心埋一份,影響同老婆和個仔關係,所以,他現在也慢慢轉型做其他身心靈的培訓工作。

人同人之間的關係網,就好似一個龐大的ecosystem生態圈,人們當中交流、互動、相處、交往時,所釋放出的正負能量、所產生出的情緒,都影響緊我地每刻的心情和生活質素。如果真係唔開心的話,有人會選擇同令自己唔開心的源頭分離,關工作事咪辭職、關朋友事咪絕交、關感情事咪離婚分手囉。另外,有些人會用做事來分散注意力,做運動、讀吓書、學吓野、去下旅行呀,咪當減吓壓,無事囉!

人有自我復原能力,所以,有人會覺得,其實根本咩都唔駛理,因為影響一個人心情,最重要的兩個根本因素就係:屋企和家人。只要屋企環境住得舒服,家人夠supportive夠溫暖,已經有足夠的fundation同正能量,去抵禦出面的世界,咩負面野都可以排走,都可以自我治癒。問題係,香港土地咁細少又咁多人咁喧鬧的環境,人又咁鍾意complain、指責、謾罵、斥喝別人,在這種環境中長大和生活,在成長中已吸收了不少唔好的養份,根本已經無能力去排走自身的負能。

所以,食完餐飯後,個個朋友的結論都係:走得就走啦!唔好留低香港啦!