【食譜】圓圓肉丸

包包返學後我唔見得好得閒，以前都會同佢出去午餐但而家就一定要日日煮。

好彩包包返來胃口好好，好肯食飯，當然我都落足心機煮比佢食，佢午飯同晚餐都係煮得比較豐富。

而我就一起身要為佢午餐去預備，好似今日咁整葡汁焗肉丸都花了一個早上。

不過佢好鍾意食，我知佢鍾意食汁所以就煮葡汁。

呢個葡汁係自己調較，唔似現成咁多 E30624700 味精或化學品。

雖然都會落啲椰漿，但其實唔算好多呢。

個汁仲令佢主動食西蘭花...............1粒咁多，囧。

首先做肉丸，呢個係我好拿手。

1. 用大約1碗豬肉碎，加1/4個洋蔥粒、1隻蛋黃、1/4茶匙鹽同生粉去撈勻再攪到小小起膠便可以。

2. 醃佢1個小時就入味，我唔會用太多調味，但加洋蔥粒會多份香味同肉汁會豐富啲。

3. 醃完之後就煎。

唔需要完全熟，因為會焗。

如果唔焗都會回鑊煮，所以定型便可以。

另外配料我用西蘭花、紅蘿蔔、洋蔥同2粒蒜頭

4. 西蘭花同紅蘿蔔先用水烚下先

5. 爆香洋蔥、蒜頭、紅蘿蔔後就加1湯即麵粉

6. 麵粉炒完後就加黃薑粉 1茶匙之後加水500ml煮滾，再加鹽大約1茶匙。

7. 試味夠唔夠鹹，唔夠先再加鹽。

8. 所有材料回鑊加椰汁，我隨手落的

9. 然後兜勻後就煮到汁杰身，放上焗盤 250度焗10分鐘(視乎焗爐火力而定)

10. 唔焗就可以直接上碟