尋日新聞除咗學生罷課撐佔中外，另外有兩個都同電視有關：就係前無線新聞主播李燦榮，就係佢自己Facebook上面收到可靠消息，指亞洲電視已經達成賣盤協議、而神秘買家可能係名裡面有個「木」、「林」、或者姓「李」。當然消息傳出後，亞視高屬都否認有此交易。

講真，呢個時勢，雖然話亞視係有「一男子因素」之下，就算佢每日24小時都係度播魚樂無窮，最終都會續到佢個免費電視牌照。不過依家個台已經做到咁殘（節目及聲譽方面），肯接手嘅，一定要好有錢、而且又有一定媒體營運經驗，先會願意接下吧個電視台爛攤子吧？

不過可能姓李、楊或者有個木字係入面嘅人，又有錢想做傳媒大享嘅…講真都係得個幾個。但最有機會，都可能係李澤楷。皆因上次免費電視牌一役雖然佢有份入圍，但係最後竟然連大氣頻道都無條，想做野都無得做，依家有得一次過買起所有器材同人手，就不單可以立即開波做野，仲可以用埋個廣播頻道。一舉兩得。