RMK 2015 Spring Summer Collection ~ Vintage Sweets

日系的妝容， 這些年底妝都標榜薄和透， 眼影多數以珠光和大地色為主道。 胭脂多數都係淡色， 去形造kawaii 的感覺。 這季 RMK 2015 Spring Summer Collection 令我眼前一亮的係佢哋嘅Casual Solid Foundation (雙色透亮粉餅組)， 係膏狀的粉餅…..久違了的好東西……記得第一次接觸膏狀的粉餅的時候， 我是買了giorgio armani 的 (應該都係3-4年前了)…就係覺得佢夠薄夠透， 但遮瑕力都不錯。 好不幸， 佢只出了1季就discontinued 了。 這幾年 GA 都有出新formula， 但感覺上總不及以前的 (好似厚咗小小)。

雙色透亮粉餅組分base color (7色， 具珠光)和Pearl color (2色， 具金光)。 你可以自由組合， 締造出一個具自然光澤的底妝。 這粉餅除了有補濕和柔軟肌膚的養份外， 亦特別加入兩隻成份：

Crystal Light Oil： 有鎖水功效
Refresh Clear Powder：可以吸收多餘皮脂, 另妝容持久一點

BA同我試咗這新出的雙色透亮粉餅， 感覺上又透又亮， 但神緒在於：

你一係用佢哋隨盒附上的掃， 摺合後， 輕輕印上面。 亦可以買RMK 專門為這粉餅而設的掃

要維持最佳效果， 最好不要用你上正常粉底的掃或pok。 這會令底妝失去空氣感 (即係會變厚咗， 冇感覺輕盈)。

我的用後感 ~ 的確一步造到薄和透亮的感覺。 亦由於產品加入多種護膚成份， 所以一整天下來， 皮膚都感覺良好， 沒有出乾紋。 如你像我一樣， 追求透徹的底妝， 佢真係幾好。 如你堅持要多一點的遮瑕度， 反而上幾季已推出的foundation 會啱你多啲。

這季還推出了一系列叫 “Vintage Sweet” ~ 有眼影， mascara， 胭脂， 修容盤 (可以當粉餅用)， lip gloss 同nail color。 當中最有創意的係mascara， 佢係雙色的。 一段的掃就如我們用開mascara 掃的size， 係深色系，另一端的細掃係彩色系。 你可以自由使用。

如像model 咁， 上眼睫毛用深色， 下睫毛用彩色 (因細掃的設計， 好適合用在下睫毛位)

或彩色系只用於眼尾 或如我， 先用深色上上睫毛， 再用彩色擦在上睫毛的末端

另外， 我覺得要讚的， 係這枝mascara， 單搽 (即事前冇上有FIBER 的BASE)， 都可以造到很不錯的濃密和纖長效果。

左: BA 同我試05 (Dark gray and yellow)

中: 只用黑色

右: 用01 (Black and pink)