【食譜】自家製！雞肉火腿

話說我睇到一個雞肉火腿食譜，咁又試下。

佢只需要用鹽、糖同兩塊雞胸肉，之後要浸水令雞肉變軟，跟住個煮法係浸熱水，切出來凍食係軟身。

但呢個做法整比包包食我又唔太放心，於是煎一煎佢點知打回原形係會硬。

所以呢個只可以凍食，但係做三文治配沙律乜乜物物又唔錯，只係比小朋友食要小心d咁囉！

今日包包個午餐，佢個臭包食蘆筍唔食個頂只食條莖。

做法：

１雞胸肉 2片+用1湯匙糖抹勻佢

２然後先加 2茶匙鹽搽勻

３跟住包好放入雪櫃醃過夜

４之後就放入一盤水中先浸30分鐘，再換水浸30分鐘

*呢個過程其實叫啤水，令肉吸水軟化，啤一聲個啤

５抹乾水，然後就將兩片雞胸疊好，跟住用微波保鮮紙卷起(用錫紙都可以但一定要夠實)

６卷到似粒糖咁扎實佢

７煲滾滾水，放雞肉入去等到水再滾就滾多4分鐘

８跟住熄火唔好蓋蓋，用熱水去浸熟佢，直至水凍為止

９做出來是咁的，佢凍食真係好ok，配沙律醬食最好味