【食譜】呃仔飲菜湯～椰菜花忌廉湯

椰菜花玩不停，因為一買買兩個，平日我多數食西蘭花多過椰菜花，但當煮起上來椰菜花其實變化可以好大。

昨晚我煮個椰菜花忌廉湯，佢雖然係忌廉湯但真更用淡忌廉只係用20ml，其餘就係椰菜花。

呀包中計地飲，佢並唔知道……每一啖都係菜菜同埋菜！哼。

我覺得佢好好味，不過呢…我有加煙肉。

始終我係寫食譜，所以點都要做個真正味道版本。

其實大家如果用雞湯去整就唔需要用煙肉，而我只用水就用煙肉去提味。

當然如果再細啲嘅小朋友就用自己熬雞湯做最好，昨日我炒完煙肉都盛起一半，覺得呀包食到煙肉唔太好呢。

我仲配個蒜香脆麵包粒Crouton成碗湯完全係天作之合(但我昨晚的晚餐菜式係唔關事麻婆豆腐，哈哈)。

食譜：

椰菜花   1大個

薯仔   1個

洋蔥   1個

煙肉   1片

淡忌廉   20-30ml

水或雞湯   (蓋過菜面)

做法：

1. 浸洗椰菜花(好似電影名，哈)

2. 切粒切粒切粒粒

3. 切粒切粒切粒粒

4. 爆香洋蔥同煙肉

5. 加入椰菜花，再加入雞湯或水 

6. 煮佢 15分鐘後，就可以倒入攪拌機裡面打爛，或者用神仙棒都得(攪拌棒)

7. 打爛後倒番入煲，加入淡忌廉攪勻再滾佢10分鐘或者你想要杰度

如果用雞湯，可能唔使加鹽，但我用水煲就要落鹽調味。

*如果用盒裝雞湯最好係用有機同低鹽較好。