大家考慮緊去邊間戲院睇戲嘅時候，座位坐得舒唔舒服相信都係因素之一。以為戲院都係大同小異，無咩創新？位於斯洛伐克沙莫林嘅TULI Cinema相信會畀到咁多位一個驚喜！
事關TULI Cinema放嘅唔係普通軟墊座椅，而係可以畀你全個人攤喺度嘅豆豆椅。成個人咁攤喺度睇電影，真係隨時會瞓著覺！而TULI 一詞來自斯洛伐克語「tulikino」，正正代表舒服瞓喺度嘅意思！
間隔仲係以兩個人為一組，試想像吓兩個人喺昏暗嘅燈光下緊靠住對方，就算本身唔係情侶，都會被浪漫嘅氣氛感染，因而擦出愛火花！（但咁叫可憐嘅單身狗點算呢？）
▼只有前排係單人座位，單身嘅朋友都唔怕俾後面嘅情侶閃親。
▼牆身色彩繽紛嘅階磚係用嚟隔音嘅。
▼設計貼心，座位一樣有放飲品嘅地方。
（圖片來源：designboom）
