【最佳女友】唐詩詠出席韓國護膚品牌新品發佈會

來自韓國LG旗下的天然護膚品牌belif，不單是純天然草本植物護膚專家，還堅持嚴選天然優質的草本植物做原材料，減少奢華包裝及宣傳，真誠地為肌膚提供安全而有益的功效，故一直備受大眾推祟及支持。今日，belif更特別邀請到同樣崇尚天然健康的唐詩詠 (Natalie)和大家分享護膚及健康心得。

近日忙於拍攝古裝劇《天命》的唐詩詠，搖身一變以一身活潑造型出席護膚品牌belif於金鐘舉行的新品發佈會，當被主持人問到拍劇經常捱更抵夜的她，皮膚如何保持又白又滑的時候，Natalie直言平日非常著重皮膚保養，她喜歡選擇天然的食材及護膚品：「我自己本身好鍾意天然嘅嘢，覺得會對身體好啲，所以食材同護膚品都會盡量揀返啲天然嘅嘢。最近拍戲果陣都有食下莓同果仁咁當零食，可以減慢細胞衰老速度之餘，又可以抗氧化，膚色都會靚啲架！」

另外，Natalie坦言一定會爭取時間做運動，因為做運動都可以達至抗氧化效果保持身心年輕：「我近排買咗個新玩具叫shake shake啞鈴，呢個啞鈴同平時嘅有啲唔同，要用shake嘅方法嚟做，咁樣做可以加強鍛煉效果架。平時如果唔得閒落街做運動，我都會係屋企用呢個啞鈴做下啲簡單動作，鍛煉下肌肉同線條，最緊要keep住日日做，好似護膚咁，咁就可以好全面咁樣抗氧化同保持年輕架啦！」