黎紀君Christy 健康性感 做Skinic 美容及脫毛中心代言人

出道短短兩年，已經被封為仙氣女神的 Christy 黎紀君，今年將於理工大學畢業，全身投入演藝事業。出道以來，一直深受客戶喜愛，擔任模特兒拍攝不同廣告，而且甚有觀眾緣。最近更收取6 位數字，為 Skinic 美容中心，擔任代言人，Show 腿露肩拍攝處女代言廣告，給人健康性感的感覺，形象清純得黎，吸晴度極高。

由於是次是處女代言廣告，所以 Christy 都於拍攝前做足準備：『知道拍攝日期後，我都好早做家準備，包括整靚 D 指甲，做 Facial，同埋我個人都比較著重毛毛的問題，所以我每一次工作，甚至日常跳舞前，我都會預先用自己方法，處理好毛毛的問題；依家成為左 Skinic 的代言人，就唔擔心有呢個煩惱啦，因為客戶都會贊助我永久脫毛服務，所以好多謝客戶揀選我成為代言人，我都好榮幸，好開心，加上今次呢輯相係製作公司同攝影師幫我度身訂造嘅，所以我都好鍾意，同埋成件事都好清新，健康。』

又問到 Christy 畢業後，會想嘗試哪方面的幕前工作，『其實好多方面都想試，我特別想試拍多 D 電影啦，同埋都想試下唱歌，如果真係要唱歌，都會請教 D 師兄師姐，同埋都會跟老師學，亦都想好似師姐 連詩雅 Shiga 咁，試下跳唱。』

『我自己都算係學習控的人，鍾意學 D 人地估唔到我會學，會識嘅野，例如：跳舞、打鼓、唱歌，甚至煮野食，不斷增值自己才可以有更多方面發展；好似今次首個代言拍攝工作咁，響拍攝過程中，客戶都因為知道我識跳舞，而加插了跳舞的鏡頭俾我，令我可以展示有活力的一面； 我希望可以成為一個有實力，內外兼備的仙氣女神。 』