(圖片來源:vipliner)

日本嘅公共澡堂或者係溫泉,除咗男女混浴之外,好多時都分開男女湯,等怕尷尬嘅人可以安心浸溫泉,唔使怕異性睇到。講到女湯,相信每個男性都會有所幻想,想像赤條條嘅女性身體就喺自己眼前,大飽眼福。

咁到底真實嘅女湯情況到底係點呢?原來並唔係大家諗得咁咸濕,知道咗真相之後可能仲會有抗拒嘅感覺!日本網站goo就「男生最唔想知道嘅女湯現實」作出調查,為大家揭開紅色門簾後嘅神秘面貌!

1. 感慨下體毛髮隨年紀變老而減少

(http:// photocdn.sohu.com/20160225/mp60594491_1456407736234_8.jpeg)
女湯當然唔會好似男人色色嘅腦袋入面嘅畫面咁,整個範圍都只係有樣靚身材正嘅後生妹啦,當中有大嬸、有婆婆,大家仲會有講有笑添!

2. 特別在意無剃腋毛嘅人
赤裸嘅身體上總有幾個位置會有毛毛嘅,畢竟唔係個個都會去做脫毛㗎嘛!

3. 試過攞locker鎖匙紮頭髮
嗯……呢個好似有啲唔衛生咁,希望上一個用locker嘅人無咁做啦!

4. 有人會用沖涼用品霸位

(https://cdn.shopify.com/s/files/1/0463/6201/files/yarimikan_grande.jpg?13587619451319399490)
正確嘅溫泉禮儀係喺浸之前先到沖洗區洗刷全身,去到嗰度發現原來空位上有沖涼用品,咁就代表要揀過第個位喇!(唔通日本人習慣喺專屬位置沖涼?)

5. 洗手盤有好多頭髮塞住
女仔嘅頭髮又多又長,一沖洗就會甩好多,仲會塞晒喺去水位!最好洗完處理返自己啲頭髮啦,如果唔係望落去都幾嘔心……

6. 見到本身好靚嘅女仔落妝後嘅真面目

(http://img.travel.rakuten.co.jp/m17n/comtw/campaign/arima-onsen/201410/img/topic-2/1.jpg)

平時見到化妝後好靚嘅女仔,都有種衝動想睇佢哋落咗妝係點嘅樣,會唔會由美人變醜婦,咁女湯就滿足到你喇!(邪惡)

7. 會注意過度刷洗下體嘅女仔
女仔中可能有部份特別關注下體嘅清潔,但過份刷洗難免會引嚟其他人嘅目光。

8. 對原來大家都有唔少體毛而感到安心

(http://www.travelience.com/wp-content/uploads/2013/10/Onsen_AKB.jpg)

冬天會著大褸長袖衫,大部份女仔都會因為無人見到就偷懶唔處理自己嘅毛髮,咁係好正常嘅事!但到要浸溫泉光脫脫嗰陣,又怕自己嘅毛毛會失禮,入到去發現原來好多女仔同自己都係「毛孩」,就會鬆一口氣,即刻覺得好安心~

9. 在意人哋嘅陰毛形狀
每個人修剪陰毛嘅習慣都唔同,當然有時會放任由佢「蓬勃」生長,但原來都有人會將毛毛修剪成唔同形狀!遇到咁嘅情況,真係好難避免會偷望兩眼嘅。

10. 走嗰陣唔會著bra
同屋企沖完涼一樣,舒舒服服浸完溫泉之後女仔其實唔會即刻著返bra,就咁無拘無束行返入房~(其實日本男人點解會唔鍾意呢點嘅呢?除非見開啲女仔都係裝假狗,一除bra就……)