自從睇左澳門旅遊局嘅親子玩樂介紹,見到佢地係個湖上玩住靚靚天鵝水上單車真係好有feel,所以我就計劃下次嚟澳門一定要嚟玩返轉。終於機會嚟啦,趁我地今次嘅失驚無神澳門之旅,第一個玩樂點就係享受一下啦。

Picture

點解今次叫做失驚無神澳門之旅?遲少少先話俾大家知。由於我地今次就係住氹仔酒店,所以安排活動方面就會第一日係澳門市玩,第二日先留係氹仔。我真係期待嚟南灣湖玩天鵝水上單車,所以一落船就即刻拎埋晒啲行李就去玩啦!

坦白講,澳門啲路真係唔識分,佢地啲名又古古怪怪咁,所以我都真係唔多識路。好在有澳門返工嘅舅父仔,我想去邊度玩就一早SEND俾佢,佢幫我搵定搭咩車,之後再加埋GOOGLE MAP,就可以識得去玩啦!

原來去南灣湖都好簡單,係港澳碼頭搭32號巴士(往旅遊塔),係區華行前地站落車(有一間麥當奴,對面就係前澳門督府),車程都係大約15分鐘就到啦。

Picture

一見到個湖,真係好靚呀,小小豬都急不及待加快步,要快快腳去玩啦。

Picture

Picture

嚟澳門玩水上單車我地都唔係第一次,上次同黑沙郊野公園都玩過一次,嚟澳門玩就真係有一個好處,就係真係好抵玩,二十蚊就可以玩半個鐘啦!

Picture

好在有舅父仔提一提,由於係澳門政府所舉辨,所以活動就只可以俾澳門幣,所以平日唔會唱澳門幣嘅我地,今次都唱左少少為左依個水上單車。

Picture

我地買左飛之後,就向小碼頭出發。

Picture

小碼頭已經有好多上水單車等緊我地,當然我係為天鵝而來,緊係玩$20半小時嘅天鵝先啦。

Picture

大小朋友著上安全救生衣就可以去玩啦。

Picture

YEAH...…我地出發去玩啦。

Picture

玩水上單車就要五歲以上嘅小朋友先可以玩,小小豬就夠歲數,不過佢腳仔都未夠長,基本上全程咪又係我一個人踏,佢就負責控制左右。

Picture

坦白講,一個人踩真係攰到冇朋友,不過周圍環境咁靚,小小豬又玩得好開心,所以攰少少都係值得呀。

Picture

Picture

Picture

超級鐘意依個天鵝水上單車,外型靚靚絕對係呃LIKE首選,加埋周圍咁靚又有FEEL,雖然就真係攰左少少,不過真係好舒服,話咁快就過左半個鐘,要職員哥哥開咪叫我地返小碼頭交船呀。

Picture

原本小小豬都想再玩多一轉,不過我對腳又真係冇咩力,所以就去行一陣休息下先。原來南灣湖除左有水上單車之外,仲有藝墟市集,不過因為大部分都係星期六日先會開,所以今日就只有幾間睇下。

Picture

Picture

Picture

行到攰就係時候休息一下,原本我地就打算行返去麥當當食,不過行過見到有間CAFE,所以就嚟試下啦。

Picture

依間CAFE仲係旅遊學院學行嘅實習單位,所以都應該要多多支持呀。

Picture

食物種類都幾多呀。

Picture

小小豬仲諗緊食咩蛋糕。

Picture

我地ORDER左食物之後,就可以到外面嘅茶座搵靚位FEEL下啦。

Picture

除左蛋糕之外,全部都係即叫即制,不過等都唔係太耐,大約十分鐘左右就送到啦。

Picture

雖然係學生實習嘅店,不過食物質素都一啲都唔錯,尤其係個三文治同埋杯南瓜橙果汁,老公仲高度評價呀。

Picture

休息過後,小小豬想玩多一轉水上單車,既然佢鐘意加上又唔貴,山長水又遠嚟到,就當然要玩盡佢啦!

原本今次只係由DADDY陪小小豬玩天鵝,不過依個小小豬話我地係一家人,緊係要一齊玩大嘅水上單車。就係佢依一句說話,我地就坐$40半小時嘅水上單車啦!

Picture
Picture

其實都真係唔多抵,$40可以玩天鵝兩次啦,不過小小豬既然有一個咁好理由,加上又可以三個齊齊親子一返,所以都係值得嘅。

Picture

今次我醒目,全程交由佢兩父子負責,一個負責踩,另一個就負責控制方向。

Picture

我就專心欣賞周圍風景,享受舒服嘅一刻。

Picture

可能有左第一次玩天鵝嘅經驗,加上又有DADDY同行,依一次明顯小小豬係更加投入,全程講不停口,真係更加興奮呀!

Picture

老公都對我依一個行程點非常滿意,佢話依啲文青地方先係啱佢嚟,不過我人覺得依個地方又真係唔錯,好啱一家大細嚟親子玩樂一返,有得玩水上單車(記得五歲以上小朋友先可以玩水上單車呀),又可以行下特式市集小店,仲有可以去CAFE食吓嘢FREE下,舒舒服服就可以玩一個下午。

一個咁好嘅地方老公都已經話下次嚟澳門要再嚟多一次,感受下文青氣息哦(佢依啲係偽文青...…哈哈哈)!


 【澳門親子之旅】南灣湖畔,暢玩天鵝水上單車!

 https://www.facebook.com/kinseymama