話說尋晚Apple正式發佈其新iOS 8，好多人都會手痕想試下佢幾個新功能（或者試下裝個新輸入法）。不過偏偏到最後一刻，Apple就表示當中新加入嘅Health Kit Apps，因為程式上問題而要暫時下架，而同時一眾同Health Kit有關連嘅Apps都要下架搶修。不過網上已經傳出唔少非Health Kit連動Apps，都因為今次更新而出現兼容問題，例如Dropbox、Line甚至手機遊戲，都急於推出新版本作出補救。

而另一方面，各位iPhone 4s、iPad 2及iPad Mini一代用家，係更新咗iOS 8後，可能會感覺到開apps速度上會有約半秒左右延遲。因為目前iOS 8暫時仲係以A6處理器以上裝置，即係iPhone 5及iPad 4代以上裝置為主。不過之後可能會再推出昇級去盡量優化。

正如每款電子產品一樣：第一批就係會出事架喇，不過大家一定到新野，就總係會忍唔到手的說。