一年最渴望過既新年假期……眨下眼就過。

呢個新年的確盡興,由初一玩到今日。

初七無論如何都要逼自己生活回正軌,大少爺假期都完結了。

每日嘅節目要睇我FB page先睇到,初五我既大bear bear舅父、舅母同表妹來我家。

咁我當然要整啲小食啦!

由於初四去海洋公園玩足一日,要初五早上先得閒買材料,其中整了醉蝦同蒜泥白肉,貪其方便及快捷,幾下就攪掂又見得下人~                                     

醉蝦

食譜:

鮮蝦  一斤,先灼熟後即浸冰水,再剪去蝦眼及蝦腳位置  

 

醉汁:

糟鹵   1支 (超市或雜貨店有售)

花雕 杯(如鍾意多點酒香可以自行增加)

糖     半茶匙

 

做法:

1. 將以上汁料攪勻,放已處理好既蝦落汁料,雪凍後就食得

2. 用鮮蝦有鮮甜味同糟滷好夾

類似咁的。

蒜泥白肉

做法:

1. 豬腩片灼既時候要快狠準,用薑、蔥、酒、少少鹽去灼熟。

2. 你見到佢一熟就即撈起放入冰水。

(揀豬腩片最好放膽啲揀肥啲,咁你灼完放冰水,肥既部份會變為爽,效果都唔錯的~)

3. 灼熟豬腩片後可以用青瓜去卷起。

4. 青瓜片用刨皮器就可以刨出薄片。

醬汁:

花椒   1茶匙

生抽   3湯匙

紅醋   3湯匙

水     3湯匙

糖     1湯匙(或你可以加多少少)

辣椒仔   2隻(你喜歡辣可以自己加)

蒜頭     3~4粒磨成蓉

麻油

 

做法:

1. 用白鑊爆香花椒,再將醬汁所有材料(除了蒜蓉)加入鑊,再煮滾至糖溶

2. 煮好後可以隔走花椒粒

3. 醬汁放涼加麻油,可以試味,如果覺得鹹可以加多少少水,每個人喜歡濃淡都不同,但注意青瓜會出少少水,汁會變淡少少

4. 食既時候加蒜蓉,再淋上醬汁

*如果有胃病,胃氣脹等等,蒜蓉要煮熟先食,生蒜蓉會令胃受剌激的


 【食譜】醉蝦+蒜泥白肉

 https://www.facebook.com/taisiu9