【裝修佬話你知】這些擺設都不適宜放在睡房！

（文：康少）

睡房係我地每日補充睡眠嘅地方，溫馨嘅睡房設計，良好嘅睡眠對身體健康有好重要嘅影響，可想而之睡房係家居裝修入面嘅重要性。

當然，除咗裝修設計之外，睡房嘅擺設亦都好重要，隨時影響到你嘅健康，以下裝修佬同大家分享睡房唔適宜嘅擺設。

毛公仔放喺枕頭隔離

劣質嘅毛公仔唔單止會甩毛，材質可能會係黑心棉，好可能含有大量細菌，引起呼吸道同皮膚感染，影響身體健康。即使係質量再好嘅玩具，時間一長，都會因為外部污染而變成細菌滋生嘅源頭,建議毛公仔買返屋企，儘量唔好放係床上或床頭。 　　

睡房有魚缸 　　

最好唔好係睡房度養魚，因為體積大魚缸嘅魚缸，散發嘅水汽多，會令室內濕度增大，容易滋生霉菌，導致生物性污染，魚缸嘅氣泵仲會產生噪音，影響睡眠，裝修佬建議最好將魚缸擺係客廳或書房。 　　

睡房放滿綠色植物 　　

綠色植物能夠淨化空氣，增加含氧量，仲可以舒緩緊張情緒，但其實，當夜晚光照不足時，綠色植物會吸入氧氣、放出二氧化碳。 睡房綠色植物越多，呼出嘅二氧化碳就越多，加上瞓覺時關閉門窗，室內空氣唔流通，就會令人長時間處於缺氧環境，造成持續性疲勞。 　　

睡房擺電視、電腦 　　

電視、電腦等電器工作時，產生嘅電磁波會係一定程度上干擾人嘅睡眠，影響健康。調查顯示，睡房電視仲會影響夫妻生活，令夫妻性生活減半，而唔睇電視嘅夫妻相比之下交流會多啲，每次嘅語言交流基本可以達到15分鐘。 　　

睡房入面有廁所 　　

現時大戶型嘅設計，主人房一般都會帶有廁所，雖然沖涼如廁都唔需要離開睡房係好方便，但廁所就算再乾淨，異味同潮濕都係在所難免，尤其係多數都會無窗，廁所嘅濕氣難免進入睡房，而且潮濕嘅環境會令濕疹、皮炎以及真菌類皮膚疾病如皮癬、手足癬嘅發病率提高。 

裝修佬溫馨提示 

每日瞓醒時候應該第一時間開窗通風，皆因經過漫長嘅一晚，室內空氣充滿住二氧化碳，潮濕嘅環境有助細菌病毒嘅滋生，適當陽光、通風嘅環境令睡房更有助夜晚入睡，另外，睡房擺放嘅物品應該越少越好，太多雜物只會積聚更多灰塵，影響室內空氣。

(以上圖片均來自網路，如有任何版權問題，請與本站聯絡)