覺得撩鼻屎係失禮行為，要匿埋喺屋企偷偷地做？呢項研究就為撩鼻屎作出大平反！
根據加拿大嘅薩克其萬大學（University of Saskatchewan ）嘅研究發現，撩鼻屎嗰陣手指會按壓到鼻入面嘅感應器，咁會刺激大腦運作！所以撩鼻撩得愈多，甚至敢大庭廣眾撩嘅人係比較聰明。
負責研究嘅教授指，鼻屎係鼻入面嘅黏液黏附細菌、灰塵後而成嘅，帶有一種甜味，經身體吸收後可以令免疫系統分析細菌嘅特性，從而建立抵抗病菌嘅方法。呢項結論同人身處喺衛生嘅環境中較容易有敏感同免疫系統疾病嘅理論相符。教授仲指喺進化論嘅角度嚟講，先人都係喺污糟嘅環境下不斷進化，先可以抵抗唔同嘅疾病。
而家人人都追求健康，遍尋養生方法，唔知呢個做法又有無勇士肯親身試驗呢？
（圖片來源：tumblr）
