【裝修佬話你知】不鏽鋼最好用？不要忽略細節中的魔鬼！

不鏽鋼相信大家都唔陌生，不鏽鋼製成嘅物品美觀耐用，性能良好，比起其他金屬耐用耐鏽蝕，喺生活當中應用十分廣泛，包括醫療、餐具、傢俱等。

不鏽鋼雖好，但使用時頗有講究，使用不當時不鏽鋼中嘅微量金屬會洗人體慢慢累積，危害人體健康。

以下裝修佬同大家講解不鏽鋼嘅時候注意事項。

（文：呀J）

忌同鋁餐具搭配使用

一來兩者硬度唔同，合用會易受損，二來鋁同鐵係兩種化學活性唔同嘅金屬，當佢地以食物中某成分如鹽、酸等作為電解液時，鋁同鐵就會形成一個化學電池，令更多嘅鋁離子進入食物中，鋁中毒表現為智力下降、記憶力衰退同老年癡呆等。 

唔可以空燒 

不鏽鋼炊具較鐵製品、鋁製品導熱系數低，傳熱時間慢，空燒會造成炊具表面鍍鉻層老化、脫落。最需要注意嘅係，任何餐具，使用一段時間後表面都可能會滋生細菌，尤其係筷子、匙羹、碗等，共用係互相傳播細菌途徑，所以最好對餐具定期消毒。 

煲中藥 

因為有啲藥材中所含嘅成分喺加熱條件下，會同不鏽鋼中所含開鐵等其他金屬元素發生化學反應，從而令藥效下降或發生藥效改變。所以，一般來講，煎中藥推薦用沙鍋、瓦罐，因為佢地化學性質穩定，唔容易同藥物起化學反應。 勿用強鹼或強氧化性嘅化學藥劑 如梳打粉、漂白粉、次氯酸鈉等清洗，因為呢啲物質都係電解質，會同不鏽鋼起化學反應。  

裝鹽、豉油、菜湯 

因為呢啲食品中含有電解質，如果長時間擺放，不鏽鋼會好似其他金屬一樣，同呢啲電解質起化學反應，令有毒金屬元素被溶解出來。 劣質嘅唔好購買 因為原料低劣，製作粗糙，含有多種有害人體健康嘅重金屬元素，尤其係鉛、鋁、汞及鎘等。 

忌大火煮食物 

因為不鏽鋼導熱系數細，底部散熱慢，如火力過太，會令底部燒焦、結塊。

(以上圖片均來自網路，如有任何版權問題，請與本站聯絡)