明年初面世 設計比賽冠軍紙頭盔

戴頭盔唔一定為咗威，更大功能係保障用家嘅安全。單車友揀頭盔嘅時候，往往只在乎款式同價錢，以為越貴嘅頭盔保護性越好。其實只要設計得宜，平價頭盔亦不遜於高級貨。

今年James Dyson Award 2016全國冠軍得獎作品，就係一款由藝術學院學生Isis Shiffer研製嘅紙頭盔，設計源自單車共用計劃越嚟越普及，結合安全、方便、頭盔價格低廉等要點。

▼摺疊後同本雜誌差唔多厚，放得入手袋同背囊。

頭盔個款式雖然麻麻，勝在唔用時可摺疊便於攜帶，打開時形成蜂巢格紋達到抗撞擊功能，而且有輕微防水能力，下雨天都用到大約3個鐘。Shiffer現已獲£30,000 (約HK$28.7萬) 獎金繼續開發產品，預計明年初喺紐約上市，並以自動販賣機方式發售。

(圖片來源：twitter / isisshiffer.com)