日前藝人丁樂鍶 (丁丁) 、雷晴雯 (Winnie)、何俊軒 (CTI) 等多位藝人獲邀出席由Medic Glow醫學美容中心舉辦，響應乳癌關注月為乳癌病患者及病患家庭籌款的「粉紅派對」慈善活動。
就乳癌檢查，丁丁坦言可能因為自己年紀尚輕，所以未有認真重視：「身體檢查一直都有做，但以前就未有咁深入去諗「乳癌」呢兩個字，不過出席完今次活動，聽完醫生講解，以後會留意多啲，亦會提醒屋企人做定期檢查。」
離開了HKTV後鮮有出席公開活動的丁丁原來轉移陣地到內地發展，同時亦有接拍電影：「內地同香港嘅演藝形態好唔同，初初自己一個人去真係好唔習慣，但耐咗反而覺得好多嘢都好值得我去學習，係一個鍛鍊自己嘅好機會。」
除此之外，丁丁亦為張達明學生，跟達明學戲：「達明哥真係好似一個寶庫咁，佢教嘅嘢學極唔完，有位咁勁嘅老師，我就更加要好好努力，先對得住自己同呢位好老師。」
丁樂鍶一身粉紅支持乳癌患者 轉往內地發展假期跟達明學戲
https://www.facebook.com/starshk
