每年嘅28日其實就係國際毛公仔愛好者之日，唔知你地有冇一隻自己特別疼鍚嘅毛公仔，就算去到邊都會同佢形影不離呢？假如你真係咁鍚佢嘅話，你又有冇諗過原來為左自己呢個心愛嘅玩伴，其實係可以幫佢報旅行團，等佢周遊列國帶番啲靚相番黎比你睇呢！？
唔信會有咁瘋狂嘅旅行團？不如就等小編為你嘅毛公仔介紹番，等你考慮幫佢報團自己去玩下啦！
▼ 主人帶毛公仔周遊列國就聽得多，例如好似呢位朋友咁就一直帶住由細陪伴自己長大嘅狐狸公仔周圍見識。
▼ 誰不知更有趣嘅係為左讓毛公仔可以環遊世界，日本就有人開設左呢間「鰻魚旅遊」旅行社，比全球各地嘅人為毛公仔報名，遊歷日本景點。
▼ 喺「鰻魚旅遊」安排之下，毛公仔就會跟隨領隊去到日本唔同景點同當地人交流。
▼ 有時更會同小朋友玩，等毛公仔回憶下以前同主人玩嘅愉快日子。
▼ 只需要為毛公仔報名，之後將毛公仔寄到日本旅行社嗰邊，佢地就會開始為你嘅寶貝籌備行程。
▼ 而喺出發當日，「鰻魚旅遊」就會一路上傳相關旅遊照片。
▼ 並且喺旅程完結之後7至10日將原相send番比主人。
▼ 所以總括嚟講，一次旅程就大約為兩至三星期左右。
▼ 至於收費方面，最平嘅就係神秘團，團費就只係45美元，即折合約350港元左右。之後鎌倉遊及東京遊就分別係55及50美元（427及388港元）。
▼ 所以假如你想等自己嘅毛公仔可以跳出海外，代替你實現旅遊夢想，咁你就可以搵「鰻魚旅遊」代勞喇！
圖片來源：Instagram用戶－thetravelingmrfox, unagitravel
