喺手機遊戲《Pokemon Go》正式推出之後，香港全城就已近近乎陷入左瘋狂狀態，令街上行人激增，個個都選擇喺酷熱嘅天氣下捕捉小精靈。但如果您覺得咁就已經係非常瘋狂嘅話，或者呢個位處於紐西蘭對開東北方嘅小島國就更加令您讚嘆，因為佢地國家嘅貨幣竟然上面係鑄有比卡超，係真唔係呀？！
▼ 紐埃係紐西蘭對開東北方嘅一個小島國，景緻優美、水清沙幼，係唔少人嚮往嘅度假勝地。
▼ 喺小小嘅島嶼上面，就住有約1611人，而當地人口就主要由波利尼西亞人組成。
▼ 雖然紐埃國以前喺紐西蘭嘅附屬國，但自1974年開始紐埃就已經獲得了自治權，轉變成紐西蘭的自由聯繫國。
亦因如此，紐埃除左可以使用紐西蘭嘅貨幣之外，佢國家更有著獨有嘅紐埃幣。而當中於2001年發行嘅《寵物小精靈》硬幣系列更加係深得全球粉絲喜愛！
▼ 除左有比卡超之外，車厘龜、奇異種子、小火龍同喵喵怪都係硬幣上面嘅「神獸」。而喺硬幣背面，則鑄有紐埃嘅國徽。
當您以為紐埃係間中製作紀念錢幣之際，原來佢地竟然係認真架！因為佢地係唔同嘅年分裡面，就曾經推出各式各樣大家從未見過嘅硬幣，佢地包括：
▼ 正方形嘅海綿寶寶系列硬幣（2011年）。
▼ 彩色星球大戰硬幣（2011年）。
▼ 拼圖系列硬幣（2012年）。
▼ 同埋彩色迪士尼系列（2014年）等。
除左貨幣特色得意之外，更令人羨慕嘅係紐埃更加係全球第一個做到Wifi全覆蓋嘅國家添呀！
