【湯水】栗子合桃素菜湯

粟子是我家最喜歡食，大小姐細個時，冬天大少每晚放工會買一包炒栗子，兩父女就坐在一旁一起食。

材料：

粟子(去殼)一磅，合桃半碗，紅腰豆半碗，青蘿蔔1條，粉葛1斤，陳皮1角

做法：

1. 紅腰豆浸過夜；陳皮浸軟，去瓤；

2. 青蘿蔔和粉葛去皮切塊；

3. 栗子用滾水汆燙一下，去皮；

4. 把所有材料放入煲內，加入適量水，大火煲滾至15分鐘，轉中小火煲1 個半小時，即完成。

之前同朋友仔食飯，她介紹我食十穀米，還帶我去她購買的那間店，咁我又跟去八掛下，又真係有好多品種唔同嘅米，而老板娘又會介紹點烹調，小小店鋪有很多泰式醬料，好多我都唔識嘅，好開心好似尋寶咁，買左很多東西，這次用左佢地啲合桃黎煲湯，很方便。