千禧新世界酒店之飲食篇

千禧新世界酒店即係邊度？咁舊日航酒店你一定知啦。

兩者既關係又係乜？答案：千禧新世界酒店係現在式，日航酒店已經係過去式。

其實我初初好唔習慣，一來日航酒店一早已經種植喺心上，二來改革後又唔覺得好大轉變。

不過當酒店裝修完後就感覺千禧新世界酒店係獨立個體，完全一番新氣象。

寫呢篇文我盡量都叫公關比多些不同餐廳資料我去寫，酒店好努力革新之餘，餐廳都不停進步。

由初初改名我覺得唔算太凸出至到近來有點驚喜既感覺，相信除了酒店希望撇除大家舊有印像之外，「進步」都係佢哋大前提。

酒店內餐廳著名餐廳嵯峨野、La Table等仍然繼續留低，仲有由意大利總廚Claudio Dieli坐陣後既 the Lounge都非常出色。

Claudio Dieli擅長設計意式小食外，帶有意式風味既各樣菜式都集賣相、味道與健康一身，還有負責甜點既大廚Daniel Law，令The Lounge鹹甜食物都同樣出色。

環境都幾舒服。

先介紹 afternoon tea set $346 For 2。

如果喺酒店內 Cafe East食 buffet就可以有以下優惠。

由即日起至11月30日期間，六人同行惠顧Café East 自助午餐或四人同行惠顧自助晚餐，即送The Lounge一位用下午茶，如此類推。

呢個raspberry既 macaron好好食，因為加了紅桑子果汁令到佢有層次之餘仲唔會偏甜。

以上食物有乜？看menu吧。

這個價錢以酒店級既 afternoon tea set來講係算平，但食物並非如一般tea set。

呢個價錢多數鹹點都會用上不同手指三文指就算。但呢度鹹點係用有不同點心，而蛋糕亦都唔係單一用朱古力而係有不同口味。

我去到邊都係飲凍檸檬茶，佢既冰係用紅茶做成，飲幾耐都如一有茶味。

太厚待呢個奀皮仔了，佢每次來都有大廚為佢設計甜點。呢個奀皮仔越來越奀皮，就快被禁止跟我去搵食。

The Lounge都有set lunch的。

$188 /3個course 主菜會有一款肉、一款海鮮及一款純素午餐可以選擇，仲可以喺甜品櫃揀一款甜品。

8月尾時候，我都有喺呢度食過lunch，當時午餐都仲未有套餐。

我試了部份菜式，呢個煙三文魚並非街買既，而係大廚自己醃製。

分別係三文魚會保持得到原有質感，而味道唔會係街外既鹹味咁重，而係微微煙燻味。

Set lunch會有前菜式餐湯揀，而湯都係用上有機蔬菜做成。

呢個意大利番茄湯係我想像以外既好味。

初初我幾抗拒番茄濃湯，但意大利人會突顯到番茄優點不單無想像中腥味，反而有清新既微酸味。

Panini及蟹餅 ，我好鍾意食蟹餅啊。

呢個喺A la carte menu會有，如果放工happy hour點呢個小食都不錯。

甜品就可以喺呢度揀一款。

女人就係見到甜品會發狂既生物，三個女人忍唔住試四款甜品。

大家睇開都知我近年不愛甜品，呢度甜品每款都不同層次。

臭包福利時間又到。

順帶一提： 酒店中菜餐廳桃里有大閘蟹menu，大家喜歡既都可以試試！