【食譜】一鍋熟炊飯

我過完中秋就病啦，但好唔想包包無住家飯食。

於是我又晌病既時間諗來也諗去，又比我諗到啲新嘗試。

既然無力去煮3菜一湯，就將所有材料煮埋一碗。

大少爺其實唔太鍾意啲煮埋一碗既食物，但無辦法煮出來就要食，我用了芋頭、白果、新鮮冬菇、蝦乾、肉絲去煮。

當然唔係就咁扔晒落去就得，有一重要既過程令佢更好味，呢個做法又叫炊飯。

材料：

米  （份量視乎你入數同埋喜好，水份量同平日一樣，可以用浸蝦乾既水代替）

芋頭粒 、白果、冬菇、蝦乾   隨意  （你鍾意落乜都可以，唔用蝦乾可用瑤柱）

豬肉   （一小件切幼絲再用小小鹽、生粉同麻油醃）

做法：

1.蝦米浸軟、冬菇切絲、白果去殼去芯

2. 豬肉絲爆香再加埋其他所有材料爆香

3. 加入生抽少許、糖1/2茶匙、麻油 兜勻(如果無小朋友食可以贊少少酒)

4. 米洗好加入水後，放晒所有材料上米面，按下飯煲掣

5. 飯煮好時唔好開蓋，燜佢5-10分鐘就done～

喜歡可以加少少少少豉油一齊食，呢個好好食的。