因為習慣日日拎起上手就用，大家應該都會好少留意日常產品上面嘅設計，每次都只會按照自己習慣使用。但其實原來喺我地自創嘅用法背後，呢啲日用品嘅設計其實係博大精深，而且部分更存有鮮有人知嘅真正用途！
以下呢16件大家見慣見熟嘅產品，唔知道您地又知唔知道佢地其實係另有玄機嘅呢？！
1. 牛仔褲嘅袋中袋
穿起牛仔褲，大家都會發現袋子裡面經常都會有著另一個小袋，但究竟呢個咁細個嘅袋其實有乜野真正用途？原來因為牛仔褲剛剛推出嘅時候係19世紀，所以考慮到主要用家為礦工之下，設計師就貼心咁預留左呢個細袋比大家放懷錶，好讓礦工工作時可以輕易取出查看時間。
2. 牛仔褲袋角撞釘
由於牛仔布比一般布料厚重，因此要用普通針線精細地縫好袋口邊緣基本上係無可能的。因此為左解決呢個問題，設計師就想到使用撞釘固定袋口位置，避免袋口爆開。
3. 意大利粉勺小孔
如果你地屋企有意大利粉勺，見到中間個小孔應該就只會覺得佢係用黎漏走湯汁，方便撈起意大利粉。但原來除左呢個用途之外，意大利粉勺中間嘅小孔更可以用嚟量度煮麵份量，而且更加係剛剛夠一個人份量！
4. 煲子手柄小孔
煲子手柄嘅小孔，除左可以用嚟掛起晾乾之外，另一個用途就係用嚟豎起湯勺或者其他煮食用具，避免醬汁湯汁滴到周圍都係。
5. 紅酒凹陷嘅瓶底
紅酒一般嘅瓶底都會係凹陷嘅，而之所以有咁嘅設計，原來除左係因為可以令到紅酒酒瓶喺物理上更加穩固之外，另一個用途原來係為左將紅酒嘅沉積物流到凹槽入面。咁就會令倒出嚟嘅酒更加清澄。
6. 三角朱古力
三角朱古力之所以要製作成三角形，其實就係為左等大家可以超容易地啪出一顆朱古力，而無需要用兩隻手先至做到。
7. 原子筆蓋小孔
如果原子筆係開蓋形式嘅話，大家不妨可以睇下頂部會唔會係有著一個小小嘅氣孔。如果有嘅話，其實呢個咁唔起眼嘅設計係可以救人一命，避免小朋友喺吞入筆蓋之後完全阻塞氣道，延長拯救小孩嘅黃金時間。
8. 新衫送嘅小布料
好多人都會以為新衫送嘅小布料係比大家件衫爛左之後，可以用嚟補番個隆，但其實正確用法卻係用呢塊小小嘅布碎嚟試水溫，以及洗衣粉啱唔啱用，睇下會唔會甩色等。
9. 蘋果充電器嘅怪勾
用開蘋果產品嘅，應該都一定會留意到充電器上有著兩個奇怪嘅掛勾。而呢兩個掛勾嘅真正用途，則係用嚟好好收納電線，等下次用嘅時候唔會打晒結。
10. 電線上的圓柱體
喺火牛或者係電線上面，好多時候都會有一個圓柱體，而之所以需要喺電線上面設置一個圓柱體嘅「鐵氧體磁環」，原來主要係用嚟抑壓電路中嘅高頻雜訊及噪音。
11. 髮夾波折處
男士可能就會少見一啲，但原來髮夾上面波浪型嘅一邊，其實先至係向下緊貼頭髮嘅一方。如果將有波浪嘅一邊向上，平面一方向下，其實夾緊頭髮嘅效果就會較低。
12. Cons內側嘅小孔
Cons內側所多出嚟嘅4個小孔，除了可以令鞋筒更為通風之外，其實另一個作用就係用嚟固定鞋子，令鞋帶無咁容易甩出黎。
13. 快餐杯蓋上嘅凹位
大家應該都會留意到快餐店嘅飲品杯蓋，都一定會有一個凹左嘅位，而呢個凹位除左係用嚟比未用嘅杯蓋一個疊一個，唔會甩出嚟之外，其實更加可以用黎充當杯墊，卡實飲品紙杯。
14. 飛機窗上面嘅小孔
搭過飛機嘅朋友，應該都總會留意到窗戶底部有著一個小孔。飛機窗之所以有個細小嘅氣孔，原來其中一個原因係為左平衡機艙內外嘅氣壓。除此以外，小孔亦能有效避免窗戶起霧。
15. 油錶上嘅箭咀符號
汽車上面嘅油錶，都一定會有呢個標誌，而箭咀所指住嘅方向，就則是油蓋嘅方向。
16. 鍵盤F、J鍵都會凸起
如果您有學過正確嘅打字方法，就會明白由於我地嘅手經常夠應該放喺A、S、D、F、J、K、L之上，因此F、J鍵上面嗰個突起嘅位置其實就比你唔駛望都感覺到自己觸碰緊佢。
