【湯水】清熱降火：蘆茅葛根冬瓜茶

係天氣酷熱嘅時候，都總係令人容易心煩氣燥，所以就煲依個蘆茅葛根冬瓜茶，可以清熱降火啦~

其實蘆根、茅根、葛根加埋一齊煲，除左可以除清熱降火之外，仲對濕疹都有啲舒緩作用。而且加埋荷葉同冬瓜，咁就可以消暑解喝，所以都好啱炎炎夏天飲呀！

材材就包括：

蘆根5錢、茅根5錢、葛根5錢、麥冬1両、甘草3片、荷葉半片、冬瓜1斤同片糖。

好似好多材料，不過除冬瓜外，全部係藥材店都可以買到。我依個就係三人分量，煲好左大約有六杯左右啦。

做法：

1.把所有材料洗淨；冬瓜乾淨切件，冬瓜皮、瓜瓤和瓜仁都唔清走，因為加埋一齊煲就可以加強消暑功效呀

2. 煲內放約2L水，水滾後放入所有材料

3. 待水滾後，用大火加蓋煲約30分鐘

4. 然後加入片糖再以小火加蓋煲30分鐘，片糖加幾多就睇自己口味

5. 最後熄火焗多10分鐘，咁就飲得啦

甜甜地嘅涼茶就最合小小豬心水，唔洗勞氣就快快口飲晒一大杯啦~

溫馨提示：由於材料都涉及藥材成分，所以係好因應個人體質，大家記得煲之前了解下自己，或者問下相熟中醫/藥材店職員，呢個湯料啱唔啱自己呀！