【恨足29年】第四代福特巨人終於擁有啦！@ 夏日大熱玩具

容許我隆重地多謝 Toys "R" Us Hong Kong ，因為「夏日大熱玩具 2016」的關係，今次竟然連大仁都收到玩具！

SY:「點解次次都係送畀小朋友，今次爸爸都會有份嘅？」

可能玩具“反”斗城知道大叔愛變型金剛， 所以今次竟然喜出望外地收到博派中最巨大領袖～福特巨人。

SY:「真係好似部電視機咁大盒，你就好啦爸爸。」

超令人熱血沸騰Titan Class福特包裝盒，真的大得驚人。今次福特如同過往29年中推出了三次的玩具一樣，可以變成三段型態。

SY:「嘩！爸爸，我幫手變啦」，基本上由機械人形態，變成基地形態需要考少少功夫，兩仔爺翻來覆去，SY:「爸爸點解又話有聲？」

原來可以變做福特頭部的小頭領戰士，只要另行加電磁，便可以由約十款不同聲效。

SY:「撳佢就得架喇，等我玩下先啦」結果，不停撳，不停聽，SY也研究了十分鐘。

由基地形態變身成戰艦形態，非常簡單，只是將腳部向外褶疊即可，SY:「吓？ 咁簡單架咋...…我都係鍾意玩佢個頭多啲。」

另一款玩具， 明顯是男孩子向的「恐龍生態情景裝」...…明明是一個包裝盒，原來，拉開四隻神奇膠貼盒角貼，便變成一個侏羅紀時代的情景。

SY:「嘩！咁得意嘅，畀我試下得唔得？」，小朋友愛聽撕開神奇腸貼的「沙沙」聲...…

我:「不如玩翻啲恐龍啦。」

SY:「嗱！爸爸，依隻叫暴咬龍，依隻劍針龍、 迅爪龍、雷翼龍， 佢哋要出戰啦， (點解你會識晒佢哋啲名嘅？)， 佢哋好似獸電戰隊啫， 全部都係戰隊入面D名嚟」

阿太:「嘩！你個情景好正呀！不如...…借我影張緣子被恐龍追殺相啦。」

SY:「媽媽！ 你嗰隻係馬， 我嘅係恐龍， 點解隻馬仲大過我D恐龍嘅？ (太:無所謂啦..我都唔介意)」

阿太很興奮影完立刻Post上ig:「真係靚！！」(非常自戀Mode)

最後就是一個扭計骰3x3，一個我細細個就已經睇歡樂今宵，夢想11秒可以還原6面的扭計骰。

SY:「爸爸！乜你小朋友時已經有扭計骰？ 咁米好多年前囉， (50年前囉)，真係好耐之前喎。」

當然，今時今日，買扭計骰還附有攻略天書，教你如何還原，而且轉動結構明顯暢順過從前...…

5年前我曾經上Youtube自學還原， 當時真的可以10分成功6面還原，不過， 丟空太耐，老仁痴呆， 我竟然完全忘記了，看來我真的要再上網學多一次先得。

「夏日大熱玩具」， 由今日至9月5日， 有好多唔同種類玩具， 趁暑假同小朋友嚟個變型大放電啦~