【牛頭角食健康D】車房舊區中的韓意小清新

想不到牛頭角舊區兼車房重地，竟然有數位年青人合營新派韓式+意式食肆。

負責人解釋:「因為我哋係附近賣廚具，前排見到依個位招租，覺得好啱我哋風格，所以就試吓囉。」

開放式廚房，非常光猛，33度大熱傍晚， SY大叫:「爸爸！我想飲可樂，點解無嘅？」

老闆說:「我哋希望大家都食得健康，全部食材都係揀最天然嘅，唔想大家飲咁多汽水囉。」

所以店內的粟米茶($10)、柚子茶($10)，及菠蘿特飲($20)全部也是大廚每日新鮮泡製。

「菠蘿唔係罐頭架，真係原個菠蘿切粒嘅。」

上次於黃埔食過「CHARLES炭火紫菜包飯」，今次的也不相伯仲，店內有6-7款紫菜包飯，我當然揀選廚師推介，豬面頰火腿車打芝士飯卷($58)。

原來，用豬面頰做成的火腿很有味道，我:「真係同一般火腿唔同啲，層次豐富好多喎。」，SY:「我鍾意佢有好多芝士，同埋啲餡滿到瀉」。

如果芝士可以熔入飯與配料內，再配上勁多餸料，又有我最鍾意的牛蒡，一定更加好食。

他們還聘請了一位真．韓國人主打韓食部份，所以這裡的Kimbap味道，絶對屬水準之作，拍得上黃埔的CHARLES喎。

而意大利部份，則由有近十年經驗的主廚Oggi操刀，阿太想食野菌的緣故，點了雜菌磨菇意粉($42)，果然沒有令仁失望。

意粉夠乾身，卡邦尼式的忌廉又不膩，份量也不少，不過我覺得最正...…是我即慶的配搭，堅好味。

將帶微辣的鮮茄韓式年糕($42)，混入意粉，嘩！ 甜酸甜酸，配辣辣忌廉汁...…哈哈！！

原來只懂煮杯麵的我，也好有天份喎。

我:「阿囝你試下啦！！ (SY:辣嘅...…我唔食，你畀媽媽)」

阿太:「我都係正正經經食意粉，你自己慢慢溝啦」(車！你哋都唔識食嘅)

店內還有一個櫃的空間兼賣「意」「韓」雜貨，全部健康之選，亦是大廚用來作食材的選擇，絶對揀得過。

Koretaly
地址：牛頭角定業街19號地下
時間：星期一至日11:30am-2:30pm，6pm-9pm

大仁生活