５種層次湯底！夏日Hot pot @酒鍋

其實火鍋都唔一定係冬天先會食，好多時夏天一班人都會想食火鍋！

呢個火鍋文化早已經植根晌香港人心裡面，簡單來講：有條火鍋筋。

早排天氣最熱時我去「酒鍋」食火鍋，肯答應嘅原因我覺得佢嘅湯底好吸引！

而且裝修、餐牌都係好新格調，加上現今餐廳都唔會怕無冷氣。

打開餐牌，見到多款好吸引嘅湯底介紹。

但總括來講...…當然一次過能就多款味道係最理想嘅，於是就要個酒火入鍋。

我食呢個set $488一位，除了飲品外，其他都係套餐內既食物 (詳情到時看餐牌)。

或者我係寫食及做食譜，我要求嘅湯底係每種味道都要去到盡。

麻辣要夠麻，海鮮湯底要夠鮮，總之你比得五款我，就要五款都有不同個性！

咁呢度係做到嘅，五款湯底嘅層次及味道都好大對比。

麻辣..堅夠麻，如果你問我夠唔夠辣嘅話，佢夠麻亦辣，個麻佔嘅比例較重，亦係我心目中喜歡嘅麻辣。

龍蝦湯...呢個係我同大少爺都最喜歡，好多火鍋店都會出唔同湯底，但好多胡混過去，因為好多人對火鍋個湯底未必太有要求，但呢個龍蝦湯係真材實料去淆的，鮮味度係滿分

牛腩湯...呢個比較清，適合用來煮烏冬比包包，牛腩有嚼勁但又唔會覺得硬同實

沙爹湯...呢個沙爹湯比較濃厚，佢嘅濃度可以掛上食物，比坊間沙爹湯做得好

木瓜蝦湯...開爐時會倒入酒再點火，其實我一定都無乜點理佢，但到最後試飲先發現當酒揮發後個木瓜湯幾得好清甜，我唔忍心令佢受污染，只落花甲落去，所以個湯嘅鮮味比老火木瓜湯更甜

點火的一刻

講完湯底就到食材，呢個響鈴必點的，佢除了放入湯外，就咁食配個酸甜汁都好得啊。

我同大少食忍唔住就咁食呢。

牛頸脊 ...火鍋嘅牛肉當然重要

牛頸脊亦係好適合火鍋食嘅，佢灼完都夠軟熟

羊肉配麻辣湯底

桂花蚌...…呢度嘅蚌係厚切嘅，灼完都好夠爽。

心肝寶貝。

鱔片。

紫菜蝦肉餃，呢個餃味道唔錯！但今次食覺得個皮厚了少少。

餃皮薄身啲會更好的。

花甲配蝦，將花甲放落木瓜湯度，個湯都變得更鮮甜。

當然火鍋唔少得飲品，我呢杯薄荷荔枝梳打好好飲。

好飲在……我本身喜歡薄荷呢。

如果唔飲薄荷都可以試呢杯，呢杯用芒果打成的。

包包幾開心，謝謝邀請～雖然當日都幾熱，但我一家三口都食得開心。