【飛甩老套】願我會揸火箭　帶你到果汁店

綽頭、包裝很重要...…

傳統果汁舖，後生仔嫌老套，變一變韓式包裝，型潮酷之餘，更可賣貴$8一杯呀！

我跟SY說:「我帶你去飲果汁」，SY:「吓？飲果汁有咩咁特別？咁都要影？ (我:哎呀！你跟住爸爸啦...…咁多嘢問)」

一走到染布房街果汁店，我第一感覺:「乜果汁舖好似賣唇膏咁嘅？」不過顏色很爆、很Cyber、很太空，賣果汁都可以玩得如此新穎，勁！

這裡提供26款不同果物，每次任選三款，每款果物都有大量小膠棒，只要抽出想要的三枝捧，放入大空船，再交給店員，他們就便幫你即榨指定果汁。

我問店員:「揀埋同一款得唔得？， (店員:唔建議嘅)」，我又問:「唔加冰得唔得」，店員:「放心， 唔多...…只係加入好少份量嘅冰。」

雖然我覺得加冰有少少失真，但我飲慣的傳統果汁舖，雙併也要$20，今日三併也是$28，(第二杯仲有半價)，價錢都算可以接受。

四位店員不停切生果，而且不時又要將棒仔插回原位...…

我問:「咁多支，真係擺返都擺到眼都花」。店員:「都唔係嘅， 慢慢擺囉。」(依個就係設計最大嘅敗筆， 好彩唔關客事啫。)

即點即榨，還即時打印出，你的果汁組合中營養成份，卡路里等資料給你參考...…這種Value Added令我喜出望外。

雖然腐敗仁視卡路里為無物，但多少少資訊，忽然覺得抵了不少。

全店播放Pop Music，SY在等待過程中，不知多興奮，手舞足蹈...…

我:「中間仲有打燈，真係好Disco， (SY:咩Disco？ 轉轉燈無咩特別啫…...我鍾意音樂大聲啲)，你好麻煩。」

面對不同果物，SY:「原來無人飲野莓、西蘭花喎…...」我好奇怪:「乜有人會飲西蘭花咩？ 咁芥蘭有冇人搾汁呢？」

大約5分鐘， mix and match果汁來了！

囝的有益力多，卡路里及營養也較我的差少少...…不過味道則甜得多，好入口得多...…

我對囝說:「換唔換嚟飲吓？ 我杯夠天然。」

SY擺了一個抗拒姿勢:「太天然，都唔好飲，爸爸你自己飲返啦...…你千祈唔好行過嚟吓～」(車！姑寒鬼)

Bana Bana
地址：旺角染布房街17A地下
營業時間：2pm-11pm
新開優惠，買第二杯半價，印花買十送一！

大仁生活