仍可自救

淘大工業村的火災，再有消防員殉職。事件令全香港人非常痛心。仍然係果一句，係網路，係媒體，我地旁觀別人既痛楚之餘，我地仲可以做咩？ 

當社交媒體剛剛出現既時候，有社會學家就曾經認為，網路係一個廣闊浩瀚既言論空間，所以網路應該會助長更多既討論，從而令更多既思潮出現。但係好可惜，網路由１９９５年起被民間使用之後，你發現言論既多樣性，感覺上好似擴闊左，但實際上，就有更多人會要求別人，同佢地有同樣既想像。 

比如，就尋日既事件而言，有好多人都問，點解要救火，點解唔由佢燒。如果換轉係醫療專業，我相信網路上就好難出現呢Ｄ聲音。尋晚徹夜難眠，一路碌面書，人人都好似救火專家咁。救唔救，點救法，我相信消防員應該有更專業既判斷。但可惜，由於絕大部份既香港市民，都唔再相信香港政府所有既部門，認為佢地一定會呃人，或者係隱瞞部份事實，從而令網路流言滿天飛，負面情緒一發不可收拾。每次係呢Ｄ位，做傳媒既，最多都係提醒大家，如果接觸大量負面資訊，會令你情緒不安，或是憤怒，除了記著憤怒，也最好減少吸收資訊，好好打點自己。怒火也是火種，小心火種，小心身體。因為，除了等報應到，你發現你的無力感，會將你吞滅。