【暑期孖寶】SY：「我想每日嘅甜品都食佢」@ Paul Lafayet

當上次親手造完馬卡龍工作坊後， SY用楚楚可憐眼神對我說:「我仲係好肚餓喎， 可唔可以食焦糖燉蛋呀？」

Paul Lafayet 的 Crème Brûlée是少有一家三口有共識， 一致舉腳大叫好食的甜品...…

SY:「以後唔好話畀婆婆知我鍾意食乜...…」(點解？)

SY:「上次我講焦糖燉蛋好好食， 婆婆係屋企燉蛋我食， 仲燉咗幾日， 我只係鍾意食E間燉蛋， 有脆脆糖係上面...…」＼(下次帶埋婆婆嚟食， 可能佢都會識自己整喎)

今次我們剛剛好食到夏日限量版伯爵紅茶Crème Brûlée及青檸柚子冰搖茶。

大廚Clement更一邊親自燒 Crème Brûlée， 一邊教我講法文。(其實，我完全唔知佢教乜)

SY:「加咗啲茶味，燉蛋仲好食，如果婆婆真係識燒就發逹，真係好好食，我想食晒一個得唔得呀？爸爸。」

(好彩我貪平， 買兩杯平$6蚊) SY:「我想每日都食依個做甜品呀！」(我邊有咁多錢呀？)

(青檸柚子好唔好飲呀？) SY:「好酸呀！ 啱媽媽多啲， 其實我食燉蛋就得，食完可唔可以再添呀？」

(吓？ 你一個人食晒一杯喇喎...…我都係快快食咗自己嗰一半杯先， 唔係一半都無得食)

大仁生活