窈窕既身型係每個人夢寐以求既野嚟，但係有無試過無論飲食有幾均衡，成日做運動，例如已經日日去跑步，成身都好似瘦都無瘦過，脂肪總係繼續痴住身體唔肯走呢？如果係的話，咁你好可能要重新計劃吓自己既跑步方法，多注意以下幾項，話唔定幫到你瘦呢！
改變你跑步既步伐
好多人以為跑步嗰時一定要不停郁，先可以有效燃燒脂肪，但事實上絕對唔係咁。每次跑步時中途抖一抖，比起不斷咁跑係更有效減少積聚喺身體既脂肪；最好就係每次跑步嗰時都改變吓休息既時間同間距，好似今次跑15分鐘抖一抖，下次就試吓跑夠30分鐘先抖。
延長跑步既時間
做任何運動都一樣，一定要長時間堅持先會有成效，跑步亦都一樣，好多人都只會想到瘦嗰一吓先努力去跑步，但就忽略咗要長期跑先有效既問題。其實如果想透過跑步減去你身體既脂肪的話，最有效既方法應該係消耗身體既卡路里，所以只要延長你跑步既時間，例如以10分鐘/英里既速度跑的話，5分鐘已經可以消耗45卡路里。長此落去，每次跑步時都可以做一個有效既計算，變相激勵你堅持跑落去。
注意跑步姿勢：提高你既膝頭
講到減肥的話，好多人都會期望擁有完美既身段，有啲甚至會講究有無腹肌！如果你就係呢類人的話，就要記住呢個方法喇，重點就係加強你既膝頭訓練，就係嘗試將膝頭提高並維持1分鐘，大概提高至腰間相約既位置，當腹部肌肉郁動增多，令腹部肌肉活動量相對提高，就會有腹肌既出現。
善用跑步機
有人鐘意係室外跑步，有人就鐘意用跑步機跑，貪佢可以調校速度或者斜度，其實下次仲可以試個新玩法。先將跑步機速度設定喺1.0mph，再將一個箱或者架放喺跑步機後面大概兩步既位置（箱或者架同跑道高度相約）；然後將腳放喺箱度，而雙手就放係跑道上面，跑道一邊郁，你雙手就一路跟住郁。呢個方法除咗可以訓練雙手既支撐力，仲令你全身保持一條直線，睇上去更窈窕。
