【湯水】印度椰子粟米紅蘿蔔排骨湯

之前好多朋友仔話印度椰子好好，有助清燥熱、止咳、滋陰補腎、潤肺，嘩！

講到好掂，以前$100 只有三個，而家買到 $25 有二個，嘻~ 咁就買二個黎試下。

材料：

印度椰子2個，排骨一斤，粟米3條，紅蘿蔔1條，南北杏1兩

做法：

1. 睇肥媽好以斬瓜切菜咁好易切，誰知~ ~ 都要比D力，但！就無椰子咁硬就真。

2. 排骨用沸水汆燙好，連同其他材料一齊放入煲內，加入適量水

3. 水滾後15分鐘，轉中小火煲兩個小時就可以飲啦，唔加鹽都得，椰子味很香，啖湯都好甜。