【屋邨的吊床】新派糖水舖．攻入南山邨！

南山邨是一個令人感動的舊屋邨。

不過，當聽石硤尾邨早已翻天覆地，這片本來仍未被染污的樂土，原來4月尾開始靜靜有異動。

不知是否我杞仁憂天， 還是「諗多咗」， 但我真的很怕這個依然可愛， 人情味超濃的舊社區...…會被美其名潮食新鮮感， 卻換來另一個領展的翻版？！ (完)

朋友C:「南山邨熟食亭新開咗間新派甜品舖喎...…新嘢， 你一定啱啦」， 我當然最愛去試新食肆啦！ 今晚飯後即去...…

SY:「爸爸！ 好熱呀！快D入去裡面啦...…(你唔玩吓門口張吊床？)...…」於是我抱他上吊床後， 小朋友興奮得搖來搖去也不下來。

我:「你唔入去涼冷氣啦？ (SY:好玩吖..…我想玩多陣)」

通常我習慣問店員:「有無又靚又好食嘅甜品推介？」， 女店員答:「覆盤子梳乎厘OREO撻 ($56)~新假期都係影佢嘅；荷蘭班戟雜莓楓糖燕麥 ($68)~我覺得最靚囉.(咁就依兩款啦)」

Menu的相， 兩款甜品也看似一磅蛋糕一樣， 但原來出來的效果， 絶對是雙人份量而已。

我超愛食蛋味專一，食了一陣風，又似沒有食的樣子的梳乎厘，不過加入覆盆子︸...我們4口同聲:「好酸……」

我不愛看Menu， 所以勁無知的問:「黑色嗰啲係蓮蓉？」舅仔:「好彩係OREO咋， 如果係蓮蓉真係又酸又甜， 真係酸過DeeDee。」

我又問店員:「點解依個叫荷蘭班戟嘅？」茫然的店員問完大廚答:「因為荷蘭真係咁食架喎。」

作為土生土長的香港人，還是愛吃沒有花臣的土產牛油煉奶班戟，$10大大件...…

我說:「荷蘭人真係講究， 又要加咁多生果， 又要加早餐麥片， 不過加咁多嘢...…破壞晒原有嘅班戟味…...」

SY細細聲在我耳邊說:「乜唔好新舖頭一定要講好食嘅咩？ 爸爸...…你話唔好食， 啲人會唔會唔嚟？」

(放心啦， 講事實啫， 同埋...…都無人睇你阿爸個BLOG嘅， 講乜都得。)

另外， 凍食有一個檸檬柚子冰($42)， 最吸引SY的就是兩粒開邊的雪糕糯米糍。

SY:「好食呀！ 不過OK賣$17蚊， 大粒好多。」

舅仔一口吃掉柚子說:「嘩！一堆果Jam撥晒入口， 真係勁甜…...係SY啲小朋友先會鍾意食…...」

最後， 我要讚一讚石榴奶昔($36)， 可能我愛石榴， 天時暑熱， 清新又香石榴味+凍冰冰奶昔，好飲...…

臨走前，本來想給老闆少少意見，但店員答:「老闆呀！ 佢好少返嚟喎」，好奇上網查一查，原來這間甜品舖，正正就是觀塘一間$68玩吊床一小時的地方。

哦！集團式經營， 難怪全店與南山邨的人情味格格不入吧！

chillazy dessert 糖室
地址：石硤尾南山村平台商場熟食亭C4 (石硤尾站B2出口)
開放時間：1500 - 0000 周末(1500 - 0100)

大仁生活