乘客和巴士車長之間的爭執時有出現，近年更興起拍攝對罵過程，好像一名疑似科技大學的學生便在跟91號九巴巴士車長爭執時拍片，但片段公開後，得不到他的預期效果。
事發地點是一輛由清水灣開出，駛往鑽石山鐵路站的91號九巴巴士上，疑似UST男學生因為不滿被車長指他「阻礙側鏡」而大發脾氣，又在巴士前往銀影道途中拍片，更在片中要求在「香港科技大學(南)站」下車，並取回車資。
而男車長則不滿被拍攝和受到滋擾而把車停泊路邊；但男學生沒有停止拍攝，反恐嚇對方再不開車會遭被解僱。車長在無可奈何的情況下，為乘客安排另一部巴士，但未知他和男學生的爭執如何收科。
▼男車長不滿被拍攝和受到滋擾而把車停泊路邊。
網友幾乎一面倒，力撐車長冷靜應對，又斥責男學生的行為：
Yuk Fung Tony Chan：去報警仲好喇，拍果個已觸犯 公共巴士服務條例 第230a：13a
Julian Wan；根據有關巴士嘅安全條例 230A:13 號 A 節，該乘客己經違反不可超越黃線與行車時騷擾車長的規例，可以予以檢控，而車長亦有權要求該乘客即時落車.
而該乘客涉嫌拖延巴士行駛進度，影響其他乘客行程，以及言語上滋擾司機及其他在場乘客，有失尊嚴，自眨身份，簡稱「托柒」.
倫倫：為何現在On9 人這麼多！影住人托呀。搭幾雞野巴士當自己總統享受
Kwokwah Yeung：司機開緊車,比乘客攞手機影住好大壓力，為咗乘客安全所以要停埋一邊了解清楚先至開車,係正確嘅做法！
Simon Lam：巴士司機做得正確
Ka Sing Lui；巴士司機我撐你。老實講句，人地打份工姐，吾通突登去撩個客搵交嗌咩。有反工既人都知，好少人會係工作時間拿屎上身，吾係拍片者搞搞震，個司機會冒住比其實乘客屌都要撩個客？
Kwok Bebe：現在實在太多人監用投訴，小事化大，咩都拍，最好攪到人地份工都冇得做最好！仲要擺上網欺凌一番先開心。一句講晒就算係司機唔啱，做人可必做到咁絕呢？
Sai Kit Tsang：司機嘅職責係安全駕駛 唔係處理衝突 挑釁行徑你可以投訴 罷駛亦係佢嘅專業判斷 學啲大支野契弟車神上腦嘅車仔司機話齋 成車百幾條人命喺你手呀巴士佬 見到我車仔飛撞埋嚟都唔讓仲要阻住 無錯 巴士佬成日都俾人要脅有百幾條人命喺自己手 你拍片拍到阻住行車 唔停車唔通攬炒咩 化解衝突 一係你去公司投訴 一係你就即場報警 唔好拎部機嚟阻住人地開車咁拍 你唔挑釁個巴士佬 巴士佬得閒理你啲咸蝦
Samson Ho：事前唔知鬧咩啦，但比人影住 拍片 ，比著我 我都覺好大騷擾，點揸車呀，成車人，停埋一邊以策安全，好合理
Jenny Gnuehc：撐司機，夠薑就影埋自己，cut頭cut尾叫網友審判，不知所謂
Franki Tsang：拍攝者，你讀書讀short左呀...俾你上車係人情，老馮咩....你的確係阻礙倒後鏡都重唔知衰...重要好似好有型...嘈咁耐都無人幫你，你返歸喇﹗﹗重話""科技大學""落車...on9仔，笑死人咩!!!
Johnny Tang：行車時與車長談話乃違法
Horace Poon：側鏡都係屬於倒後鏡一種，唔識就咪扮野啦！
但亦有網友覺得車長處理事件的手法有不足的地方：
Lok Lee：只以呢段片，拍片導致騷擾到司機一定錯曬，但你地撐呢位司機處理得好？我唔認同，佢每句説話都不斷挑釁拍片者，從車長責任角度，佢應嘗試化解衝突，確保安全並順利達目的地為原則，而不是以罷駛的態度和拍片者鬥氣，這只會加深衝突令情況惡化，亦损害其他乘客利益，利用群眾壓力係其中一個方法但並不是咁運用。重申一次，拍片者绝對唔啱，但司機處理手法亦有問題，我明白打份工面對一d野蠻無理好谷氣，但你職位係需面對呢d，亦要懂得化解，乘客安全和達目的地比一切意氣對錯之爭来的緊要
資料來源：廢柴同學會
