骰仔麵包～係咪可以用嚟玩飛行棋呀?

從中環買了一袋骰仔麵包回家，SY見到問我:「吓？ 用個麵包玩飛行棋？ 但都無字㗎喎， 點玩呀？」

其實正正方方我順口叫做骰仔罷， 阿太:「你買咁多舊返嚟做咩呀？ 點食得晒？」

舖頭一共有5款骰仔麵包， 其實我本來想各買一個， 不過Stephanie說:「買8送1喎，仲有個特別透明袋裝住架」

貪心的我當然說好， 又八卦問:「D 骰仔麵包出咗幾耐呀？」

Stephanie答:「我哋上年9月開舖， 當時就已經有啦， (你諗出嚟架？)， 唔係， 係D師傅一齊諗出嚟， 我哋幢牆都係咁砌出嚟」(真係喎！)

芝麻、紫薯、紅莓、朱古力、綠茶紅豆， 5款Mini Cube應該屬於低甜健康類吧！！ 不過， 對於病態舌頭仁...…麵包本身再重味少少會更好啦。

骰仔麵包「叮8秒」質感好食好多，否則外皮嫌有少少結實。抹茶例必配紅豆，大路穩陣，一定不會出事，不過不太愛紅豆的我就另作別論。

紅莓，內含不少酸酸甜甜的莓肉， SY不停研究:「係咪提子乾呀？  又好似唔係， 但係又甜甜地…...爸爸！咩嚟㗎？」 

今日，一家三口竟然難得有共同口味，便是認為紫薯味道最出， 阿太:「紫薯甜甜地，又唔會太甜先好」(都係嗰句，多啲餡會更好)

其實朱古力痴的SY，今日又會棄暗投明呢？ 小朋友說:「兩隻都好食...…」(梗係啦19:00都未有飯食...…肚餓梗係乜都好食啦。)

骰仔麵包，各$9 (買八送一)

Dreams.The Bread 
地址：中環威靈頓街97A

大仁生活