2016年雖然啱啱先黎到4月份， 但係出名嘅即食麵達人漢斯‧利恩內施（Hans Lienesch）就已經率先出手，整合出本年度嘅10大即食麵推介。咁究竟對於利恩內施黎講，去到16年裡面最值得一試嘅係邊一隻即食麵？我地即刻睇睇！
2016年必購10大即食麵
10. MAMA 椰奶麵（緬甸）
利恩內施評價呢一款嘅即食麵有住濃濃嘅椰汁同埋雞肉味，而且甜味適中唔會過甜。因此緬甸出產嘅即食麵就第一次上榜了！
9. 曾拌麵－四川辣椒大蔥口味（台灣）
來自台灣嘅曾拌麵質地有咬口，四川辣椒同其他調味料嘅比例調配得相當平衡。當食下一口嘅時候深呼吸，淡淡嘅麻辣味就會慢慢湧現，刺激味蕾，此外當中更有蠟腸、炸蒜蓉以及大蔥。
8. Prima Juzz 忌廉雞湯味即食麵 （斯里蘭卡／新加坡）
利恩內施表示自己一直鍾情忌廉雞湯味即食麵，因此佢憶述自己開站寫食評嘅時候，第一款品評嘅就正正係忌廉雞湯味。而對於呢個牌子嘅忌廉雞湯味即食麵，利恩內施大讚湯底濃郁，令人食左之後感覺滿足。
7. 五穀道場蕃茄牛肉五穀麵（中國）
出產自中國嘅五穀道場蕃茄牛肉五穀麵，麵質彈牙係佢其中一個最令利恩內施讚嘆嘅特點，另外湯底配合即食麵附送嘅大片蕃茄同牛肉都令利恩內施留下深刻印象，令中國出產嘅即食麵第一次登上10大排行榜。
6. MyKuali檳城白咖哩麵（馬來西亞）
MyKuali檳城白咖哩麵係第一款令利恩內施刮目相看嘅馬來西亞即食麵，當中湯底非常濃厚，而且辣味十足，因此MyKuali檳城白咖哩麵就順利三度登上10大排行榜。
5. Prima全穀新加坡咖哩麵（新加坡）
對於Prima咖哩即食麵，利恩內施坦言多年來味道同埋質感都令佢非常滿意，湯底夠濃而且夠厚，更和有味道獨特嘅醬料以及椰子粉。而喺呢一款最新推出嘅穀新加坡咖哩麵裡面，麵如其名係由全榖麵粉製成，因此麵質就更為彈口，幾乎能夠媲美手工麵條。
4. MyKuali檳城冬蔭功麵（馬來西亞）
MyKuali檳城冬蔭功麵其實都係同一系列嘅最新口味，當中湯底除左有冬蔭功獨特嘅酸辣味之外，更能夠食得出好香嘅蝦、香茅、蕃茄味，同新加嘅蘑菇味配合得天衣無縫。另外呢隻麵嘅辣味都係熱力逼人，同前作一樣。
3. CarJEN改良版娘惹咖哩叻沙麵（馬來西亞）
呢個係另一款改良版嘅即食麵，雖然CarJEN改良版娘惹咖哩叻沙麵分量比之前縮減做，但麵條依然能夠保存原有質感，彈牙且水準一流。此外湯底亦都因為有椰油而變得非常濃厚。改良左之後嘅CarJEN娘惹咖哩叻沙麵味道明顯更加強烈，以及富有更多層次，因此自然成為本年度排名第3嘅即食麵。
2. MyKuali檳城辣蝦湯麵（馬來西亞）
從去年第7位躍升至第2位，係MyKuali改良嘅檳城辣蝦湯麵，湯底蝦味濃厚、香甜，而且調味料當中更附有大小適中嘅炸洋蔥。
1. Prima新加坡叻沙全榖麵（新加坡）
Prima新加坡叻沙麵其實已經係往年嘅Number 1，但喺新裝入面因為已經將麵條改為全榖麵，因此食起上黎就有所改善，能夠更加食得出湯底嘅香味。雖然湯底好似同之前無分別，但品質依然同以前一樣美觀、好味，辣油一如以往好似紅寶石一樣浮喺湯面。
影片連結：
圖片及資料來源：theramenrater
