【抵食串燒】靚靚希臘souvlaki $19：真．原汁原味

上星期阿太報料:「頭先經過太子小巴站，有間新嘢喎...…(我:係咩……係咩？食咩架？)， 希臘嘢喎， 不過我見到係串燒囉。」

我未食過希臘東西，好有新鮮感...…大鄉里找店員推介，Nick答:「不如試我哋嘅串燒， 同皮塔餅」。

其實，金魚街口也有串燒店，我每星期經過， 例如買一 兩串來止口痕， 但賣相一定沒有這裡靚。

這裡三款串燒， 豬、牛、雞各$19。每串4塊肉，中間夾雜紅椒、青椒。 (果然襯過喎~！！) 

一邊燒一邊傳來陣陣香味， 我問Nick:「咁你哋同普通串燒有咩分別？」

阿Nick:「我哋醃法唔同，上碟前會沾少少橄欖油、檸檬汁，食個陣配嚟食，好食好多！」

沒有泰式花巧醬，夠原始，真肉味簡簡單單，嫩肉輕輕鬆烤至熟就食，都幾好食吖！

SY:「唔點D醬仲好食啦， (你唔係鍾意食乳酪咩？)， 係乳酪嚟咩？ 唔似嘅？」

單點串燒， Nick也送了三片即烤過的皮塔餅皮給我們， Nick:「畀你哋試下包住嚟食， 感覺得唔同D」

本來， 希臘馳名「串燒皮塔餅」， 但我們三款串燒也吃了， 所以就索性來一個齋菜包。

可能素菜包只配羊乳酪醬太健康， 雖然皮塔餅有另類風味， 但食肉獸還是覺得欠缺了甚麼...

不過希臘皮塔餅有點乾，有點厚身，還是串燒好食，應該夾串燒的皮塔餅會好食好多。

皮塔餅抱素菜卷 $40: ★★✰✰✰

Mr. Greek　希臘先生
地址: 太子弼街64A
時間: 11:00-21:00

大仁生活